聲夢JUNIOR學員大起底｜14歲「翻版陳慧嫻」Haily梁栩寧讀名校識畫國畫 被胡鴻鈞負評做錯2事當場落淚
《聲夢JUNIOR 》由Eric Kwok郭偉亮擔任節目總監督，雲集星級顧問團隊、導師及嘉賓，是一個音樂競技真人騷，逢星期日晚播映。其中一名參賽者Haily梁栩寧只得14歲，第一集就拉埋媽媽上鏡，母女感情深厚，因為酷似陳慧嫻而受到網民關注。不過第一集，她就因為表現未如自己所想，被前輩負評，不禁於鏡頭前落淚。
《聲夢JUNIOR》梁栩寧唱歌被負評爆喊
第一集，節目從800多名參賽者中挑選完28名入圍者進行第一階段集訓，然後精選18名參賽者，並根據各人所長，分成主唱、跳唱、樂隊。梁栩寧屬於《聲夢JUNIOR》跳唱組，在正式進行分組特訓前，參賽者要先通過第一關「盲聽」測試。郭偉亮要求他們獻唱不屬於自己年代的歌曲，再將大家的作品交給歌手黃翊、關心妍、糖妹黃山怡、吳若希、胡鴻鈞評論。
播放梁栩寧演唱《牆紙》時，評判們都聽到面有難色，糖妹指：「呢首歌唔啱佢，太高音喇」；胡鴻鈞表示：「未係好融入到落呢首歌度，佢未了解到歌詞，比較片面，將啲音好完整咁唱出嚟，唔係好有情感投入落隻歌裡面，所以聽起嚟會覺得好抽離」。她媽媽解釋：「呢首歌係我搭飛機公幹時，第一次聽，我就入咗心，聽完覺得好想瞓覺，好放鬆。最後她成為分數最低分的三人之一，她認為自己表現失準：「第一，嗰日狀態唔好；第二，我唱最後嘅take走咗啲音，前一日無好啲嘅狀態，有啲後悔。」
雖然郭偉亮有鼓勵她不要放棄，但她忍不住淚灑鏡頭前：「我覺得可以再認真啲唱歌，去感受首歌，同埋再努力啲去練習咬字…」事後她解釋落淚原因：「宣布完之後，一開始我無乜事，Eric sir走咗之後，成班圍上嚟話：『無事㗎！我覺得你現場唱得好好多啦！』搞到我喺度喊囉…」
14歲名校生大起底：國畫水平高
從小到大，梁栩寧在媽媽培訓下，擅長彈鋼琴、彈古箏吹長笛、畫國畫、跳舞，當中她只學了古箏兩年就考至七級，動靜皆宜。她將彈奏古箏的影片放在Instagram，意外將家中內貌曝光。
她曾參與國際線上直播唱歌比賽「Sound Expressivo Competition」，將參賽片段放在個人YouTube Channel，獲得網民讚賞。
媽媽表示從來沒有讓她學習唱歌：「娛樂呢個部分，如果可以令你健康、開心啲，我係覺得好值得，所以我係好支持你去（參加《聲夢JUNIOR》。」
她現正就讀Band 1名校─聖士提反女子中學，該中學以以英文為主要教學語言，范徐麗泰、葉劉淑儀、吳君如、江欣燕同為校友。她形容自己比較搞笑，但上課、做功課、上台表演時特別認真，而且很擅長將知識教授其他人，不容易發脾氣。
