職場新人呻被離婚女上司纏上 列5大過火行為 離譜過韓劇劇情

職場初哥被離婚女上司纏上　5大過火行為好難頂！

該名男網民指自己最近返緊份工，起初覺得女上司相當隨和，二人間中也會聊聊天，後來有天吃飯時，女上司突開心事台並分享自己最近離婚的事宜，提到自己非常不開心。男事主當時替女上司感到可憐，有少少同情她。

惟後來很快便有怪事發生，女上司不但經常找他吃飯，出Trip時更時常「挨身挨世」，上下班時更會管接送，而最瘋狂是女上司不停送禮物給他，「同我講見客要著靚西裝，成日帶我去買衫仲要試埋畀佢睇」。而最新發展更叫男事主上屋企「辦公」，男事主指「真係好似霸道總裁愛上我D劇情」。

曾表示不喜歡年紀比自己大的女人　對方竟當聽唔到

男事主透露，女上司的年紀足以當自己媽媽，因而經常有意無意地表露自己不喜歡年紀大的女人，惟對方仍不為所動，繼續做出這些行為。但男事主因工作關係又不能得罪上司，於是向網民求救。

網民：我都不想努力了

有網民反而羨慕，並提議男事主頂硬上，並指「你同佢講句：『姨姨我不想努力了』算啦」，惟男事主指女上司為中年大媽，確實無興趣。而有網民提供實用方法，指「忍幾年等佢幫你上位，上咗位咪你話事囉，而家當收住禮物先啦，呢D機會唔係人人都有」、「你返工都係為咗錢啫，佢喺風水學上都係貴人」、「你當佢係呀媽咁咪算囉，你同佢講不如我哋上契啦」。