胡杏兒晒Baby Lee大腳板 ：唔怪得平時踢得我咁痛！
廣告
前排啱啱先幫Baby Lee搞完Baby Shower大宴親朋，尋日胡杏兒又再分享囝囝嘅超聲波照，囝囝腳仔大大，會唔會係遺傳到爸爸媽媽嘅高䠷身材呢？杏兒今個月就生得，不過佢仲未決定好順產定開刀好，仲喺FB問粉絲！
撰文：Sunday Kiss
圖片：Sunday Kiss
胡杏兒晒Baby Lee大腳板
胡杏兒分享Baby Lee嘅巨型腳板，雖然只係超聲波相，但仍然清楚見到腳仔已經成型，肉肉的腳板底令人好想搣吓！
杏兒仲話Baby Lee平時都踢到佢好痛，應該係因為囝囝有對強而有力嘅腳仔！
順產還是開刀？
上月尾，踏入BB預產月份，杏兒在FB發文表示自己心情開始緊張，還問網友們順產還是開刀好。「多謝大家嘅讚美同鼓勵，快踏入十月了，心情開始緊張，要好好準備迎接李寶寶啦！ 想請問大家都是順產還是開刀呢？如果順產有用無痛分娩嗎？可以和我分享一下這個母親的決擇嗎？」
胡杏兒同老公阿Phil一直都冇公開BB性別，而早前阿Phil就喺Instagram正式揭曉Baby Lee係個男仔！大家又估唔估得啱呢？
杏兒都有分享當日靚相，多謝家人朋友到場祝賀！佢仲講笑話自己個鼻真係因為賀爾蒙影響而大咗！
