胡諾言古裝Look食團年飯 拍劇再忙不忘回家
廣告
藝人胡諾言與太太陳琪婚後育有2女1子，生活美滿，太太婚後全副身心留家照顧子女，而胡諾言作為一家之主則積極工作賺錢養家。年近歲晚，家家戶戶都會食團年飯。藝人的生活看似風光，但實際上有苦自己知。尤其是最近忙拍新劇《包青天》的胡諾言，日前佢趁拍劇的空檔偷時間趕回家團年，真係搵食艱難！
撰文：Sunday Kiss
相片：胡諾言 陳琪@FB
胡諾言古裝Look食團年飯
胡諾言最近忙拍劇，適逢全家人吃團年飯，咁重要的日子他怎麼可能缺席？胡諾言拍劇再忙，戲服冇時間換，都要趕返屋企陪家人食團年飯。事後胡諾言在社交網站上笑言：「我呢個做型冇乜野（嘢）ar（呀）！都係加多兩條辮！搵食冇辦法啦！要食屋企團年飯，又要開工 ，唯有咁樣偷時間！」隨後，他亦上載咗與囝囝「波仔」的合照，相中波仔見到爸爸古裝造型的孖辮Look，似乎有點緊張愕然，非常搞笑！
太太與四老親自下廚
胡諾言搵錢咁搏命，作為太太的陳琪當然要為家出一分力。陳琪在社交網站上分享咗佢同爸媽、老爺奶奶合力煮團年飯，佢留言話：「今朝一早出去買餸，然後開始煮啲賀年菜式，仲要買埋碌柚葉， 一如年廿八洗邋遢，忙咗成日！特別鳴謝: 老爺奶奶合力幫忙， 真係 [ 家有一老如有一寶]， 我就特別幸福 [ 家有四寶 ]」看得出陳琪相夫教子的生活過得十分幸福。
情人節攜兩女齊出遊
陳琪今日上載一家人在機場的合照，並留言：「情人節，我們偷偷出走。」近來流感肆虐，坐飛機這類密閉空間就更加擔心會被傳染。佢不忘提醒臨近準備出外旅遊的各位，佢話「我出發前已做足準備，戴上口罩同 Super Block Plus波卡滅菌掛卡，阻止病菌埋身！希望無論喺邊度都可以健健康康玩個痛快，睇嚟今年嘅新年願望要大大聲講 :祝各位朋友身體健康，愛情萬歲！」
