親身試伏 $1,300參加台山溫泉團 池水現大量白色粒粒：隨時惹病上身！

撘足7個鐘北上台山歎溫泉 妹頭：真係坐爛咗個尾龍骨

兩位主持人得知可以浸溫泉時為此感到開心，不過由於香港與台山略有距離，早上9點幾到達深圳灣口岸，加上中午的用膳時間，下午4點幾才到達陽春溫泉度假酒店，足足用了4小時，令妹頭忍不住抱怨：「真係坐爛咗個尾龍骨」。

酒店有個6萬呎草坪，環境非常闊落，而妹頭入住的「親水房」設有私人風呂，以及有一條「夏威夷泳道」貫穿各房間，因此她浸完溫泉即可跳入泳道「過冷河」，而阿正透露導遊表示酒店風呂「含咗兩次水」，意思為可以享用兩次私人溫泉。

酒店金玉其外，敗絮其中？ 房間驚現大量床蝨！

雖然酒店看起來「冇得彈」，不過隔日早上阿正表示自己的雙床房有大量床蝨，攝製隊馬上前往阿正的房間拍攝，已經見到床頭櫃有數十個黑色點點，而拉開床頭板後，情況變得更加恐怖，一堆床蝨看得頭皮發麻，而妹頭更是嚇到尖叫，不過阿正就相當淡定表示昨晚得知情況後就轉床睡覺：「住郊外地方都預咗，好在只係住一晚。」

超過50個溫泉池全部都係伏 泉水驚現白色粒粒：好多腳皮！

第二日就要入住另一間溫泉酒店，當中的溫泉說得上「伏中之伏」，為兩位帶來難忘經歷。事關酒店有超過50個溫泉任住客浸，但其中一些溫泉的溫度超過了50度，另一些則只有20度，不少溫泉更是沒有維護好且充滿垃圾。他們行了一圈終於發現到一個環境還算可以的溫泉。然而，妹頭一下水就覺得「唔對路」，仔細一看見到泉水漂浮著大量白色皮屑，妹頭驚呼：「你睇唔睇到好多腳皮啊！啱啱捽完一粒粒白色個啲﹗」攝影師將鏡頭對準泉水，果然發現有大量的腳皮漂浮其中。然而，阿正卻表現得相當淡定，堅持要試試其中一個溫泉才算完成任務。在妹頭多次催促下，阿正最終決定回房間享受私人溫泉。

網民：「妹姐小心浸完陰道發炎！」、「睇到頭皮發麻，兩位主持真係偉大，希望你們皮膚無事。 我十幾年前浸過一次，直到今日仍然要keep 住食敏感藥，真係好得人驚」、「既然要浪費金錢返大陸貼錢買難受，不如留港消費支持本土經濟吧」、「上个月先去呢間酒店，我地一團20幾人，有幾個團友都瀨咗嘢，包括我。呢間酒店有鬼，有團友仲見到，到夜晚不停拍我地房門，開門睇又冇人。我返到香港病咗一個星期」、「一定無吸塵滅蟲防潮啦！小心行李都野到。」