自責不孝 杜如風 發文念亡父
雖然已經一年，但喪親之痛不能治癒！有不少網民留言安慰，杜如風也回覆表示：遲早會相見！
接噩耗仍頂硬上繼續拍攝
去年， 杜如風 主持新一輯《関西攻略》開始時，佢坐定定對住鏡頭先跟已離世爸爸杜惠東說出段感言，因為拍攝節目時，杜惠東因因腎衰竭逝世，享年75歲。杜如風多謝爸爸支持自己工作，又表示爸爸希望佢以正能量將快樂帶俾大家！
當時杜如風表示：「由上次喺日本收到媽媽話daddy病危，就即日返港。本身都計劃返香港一星期後再去日本拍，之後同媽媽商量咗就過去拍埋，唔好半途而 廢，我諗Daddy都想我咁做。(再拍攝感辛苦？)拍嗰時仲可以，個腦掛住對白，focus拍攝。」佢坦言再返日本繼續拍攝餘下戲份時，曾嚎哭一晚，令眼 睛爆微絲血管：「有晚瞓唔着，嚎哭咗一晚，爆微絲血管令到一邊眼紅到似紅眼症。基本上十集有五集都紅咗眼，但都要繼續拍。」雖然拍攝時收到爸爸病危消息， 但鏡頭前杜如風仍笑面迎人，認真專業！她其後接受訪問時表示段稿係自己寫，更盡量用一個開心嘅演繹，希望唔好好sad咁。
爆喊致微絲血管爆裂
拍攝期間，雖然佢表面仍紮紮跳，但大家可以發現笑容有點生硬，尤其雙眼好浮腫，右眼微絲血管因爆喊一晚而爆裂致眼紅紅，可見當時佢極度傷心！節目中，杜如風表示因爆喊致右眼微絲血管爆裂，希望大家體諒，叫大家繼續支持！
成功並非靠父幹
杜Sir從前經常行船去日本，因此學識日語，回港後做過翻譯日本娛樂資訊的工作。杜如風在旁耳濡目下亦學識日語，佢後來在加拿大讀大學，參加過 當地的日語演講比賽，仲拿咗全國冠軍！此外又考取日本文部省獎學金，獲註加拿大駐日本大使的夫人賞識，推薦佢畢業後去東京御茶之水女子大學修讀日本文學。 要知道呢一間係非常難入的名校，唔少日本的傑出女性都係畢業於此。
由低做起
杜如風讀完書回港，杜Sir並無利用自己的人脈將女兒捧成大明星，反而介紹佢去英皇電影做日本電影字幕繙譯及編劇學徒，由低做起，之後一步步踏上成名路。所以話杜如風並不完全係「成功靠父幹」，本身都真係叻女嚟！
