舊愛熊黛林有喜 郭富城：有好消息都會祝福
廣告
現年52歲的郭富城(城城)於今年9月榮升爸爸，太太方媛(Moka)誕下「小公主」Chant，日前城城主演的電影《破．局》舉行好友優先場，除了張智霖(Chilam)同太太袁詠儀、鄭丹瑞與女兒、梁小冰、排舞師Sunny Wong到場支持，郭富城更罕有帶埋太太去睇戲，穿上黑色低胸衫、化淡妝的Moka面部有點水腫，但身形明顯已修身！郭富城接受訪問時，有記者提到前女友熊黛林前宣布懷孕，他表示太忙未有留意相關新聞，但無論圈外或圈內人，有好消息他都會送上祝福！
撰文：Sunday Kiss
圖片來源：新傳媒圖片庫、熊黛林Instagram
舊愛熊黛林有喜 郭富城：有好消息都會祝福
自太太方媛誕下囡囡Chant 後，郭富城都公開自認變得好黐家。而昨晚其主演的電影《破．局》舉行的好友優先場時，郭富城更帶埋老婆現身戲院！城城接受傳媒訪問時，有記者提及前女友熊黛林公佈懷孕喜訊，城城微笑回應：「有追蹤我的都知我最近忙於同偉仔拍戲，又要宣傳其他電影，根本冇時間留意娛樂新聞。但啱啱聽到大家講，無論係呢一個圈或者行外嘅人，有好消息我都會祝福！」
城嫂 晒iPhoneX
剛誕下女兒的方媛一身黑衣打扮，已見收身，她趁城城受訪時急急腳和媽咪入場，甫坐下，方媛就急不及待在手袋拿新買的iPhone X出來看！
37歲熊黛林 成功陀B
城城同熊黛林(Lynn)拍拖7年分手收場，二人再見不是朋友，Lynn最終同郭可盈胞弟郭可頌去年10月結婚成為「郭太」，Lynn婚後積極造人，恨生BB嘅佢剛同丈夫郭可頌慶祝結婚一周年，而在本月6日更在其社交平台宣佈喜訊認陀BB，下年升呢做媽咪。
