苗僑偉戚美珍結婚27載依然恩愛

撰文：Sunday Kiss
圖片：新傳媒資料庫

無綫劇集《使徒行者2》早前開播，雖然佘詩曼同林峯唔演，但係飾演卓Sir嘅苗僑偉今輯繼續留低，第一集就親眼望住5為臥底係眼前死亡。第一集就咁激，令人意想不到。

一定照顧她一生一世

現年59歲嘅三哥仲係非常有型，其實從以前開始三哥比人嘅感覺已經係好瀟灑、成熟穩重，82年苗僑偉同戚美珍合作《飛越十八層》擦出愛火，90年結婚至今已經27載。雖然三哥間唔中都會傳出緋聞，但戚美珍依然相信三哥，三哥接受本刊訪問時曾經講過：「她（戚美珍）為我生小朋友，每個人年紀都會大，樣貌會變，沒理由生完小朋友丟了她，做男人要學懂承擔，跟你生活那麼多年，不可以半途拋棄她，結婚時已是一個承諾，我跟太太經歷過很多風浪，一定照顧她一生一世。」深情告白，難怪兩公婆能夠恩愛如此。

結婚25年大放閃光彈

三哥前年仲趁住結婚周年紀念，在微博大放閃光彈！佢仲寫到：二十五年不算長，但肯定是不短的時光，謝謝有你的陪伴，謝謝有你們的祝福…….感恩！

一仔一女幸福滿滿

三哥同戚美珍育有一仔一女，大女苗彤已經26歲，盡得屋企人真傳身材非常好，上年仲獲邀成為上屆港姐嘅御用攝影師，前途無可限量。但係上年就曾經傳出苗彤同鄭俊弘擦出愛火，搞到三哥派三嫂睇住囡囡，愛女心切，相信所有為人父母嘅都明白嘅。而囝囝苗俊則長駐係加拿大。

仔女健康最重要

三哥說，一個男人，無論在外面怎樣 撒野馳騁，總向往回家的溫暖感覺。 「見到一對仔女開開心心、健健康 康，好過給我一個男主角獎。」說來老 土，但相信是天下父母的心聲。