家長不滿餐廳收2歲BB$8茶位費 晒單公審怒轟 網民反斥無知

家長驚訝：2歲BB都要收茶位？

一位家長分享了他們一家三口的經歷，當他們在該餐廳用餐結帳時，發現連2歲的孩子也被收取了茶位費。家長以為收錯錢，遂向收銀員查證，「埋完單發現1位2歲BB被收咗茶位費，以為收銀搞錯。2歲BB都要收茶位？」

對方堅決態度強硬答：「係啊！」這讓事主感到非常驚訝，並表示以後不會再光顧該餐廳。

網民熱議：BB都唔飲茶嘅，大肚婆係咪當兩位？

對於這一事件，其他網民也紛紛留言表達自己的看法，有網民建議公開餐廳名稱以警告其他消費者，「你認為係黑店就公開佢個名俾人知啦，避免其他人中伏，做嘢唔好縮嚇縮嚇」、「BB都唔飲茶嘅，玩嘢咩職員」、「大肚婆係咪當兩位？」

此外，也有網民狠批餐廳服務態度和計費方式，「人頭計，現在酒樓係咁，服務態度差，劏客先，一蚊都唔會放過」、「我諗8蚊唔係問題，咁樣屈個8蚊肉X酸先係問題」。

有網民就表示不解，諷刺表示「雖然唔係咩大數目，不過都覺得而家香港好好笑，竟然有人認同酒樓做法」。期間也有人指出「正常3歲前，酒樓都唔收茶位」。

網民解釋茶位費含義：有坐低就要收！

有網民則解釋茶位費的含義，指出如果孩子有佔用座位，收取一定費用也是合理的，「茶位唔代表飲茶，係講緊佔嘅座位，即係茶樓嘅座位，咁諗個心會舒服啲」、「咁個BB有冇獨立座位？」、「咁你個2歲B有冇佔座先？有就咪嘈，雖然係叫茶錢，但你當係座位費咁解」。

此外，也有其他家長網民透露「而家大部份酒樓都係2歲以上要收茶錢」、「有部份重係任何年齡都收茶錢」。