食客發現茶餐廳餐肉通粉只得X粒餐肉！？侍應神回應網民：佢肯答你算好好

Sep 12 2023

茶餐廳一定是港人醫肚的首選，全因為平、靚、正！而日前暖就一名港男在茶記進餐後，得到一個不快經歷，不禁要將其經歷上載到網上，圍爐取暖！該位港男下單叫了一碟葡式餐肉粒通粉，而到餐後他仔細地數過碟內只有5粒餐肉，上載相片到網上，連一眾網民都恥笑：「圖片只供參考」！

茶餐廳食餐肉粒通粉得5粒

這名港男叫了一碟葡式餐肉粒通粉，當餐點來到時，港男震驚地發現全碗麵餐肉少得驚人，他更將碗內餐肉全部挑出，發現總數只得5粒餐肉，面且非常細粒！他忍不住問餐廳員工「係咪得咁多餐肉」，員工表示「係喎」，事主感到無奈，因此於Facebook群組發文與大家分享！

網民：圖片只供參考！

此帖引來眾人熱議，網民都一面倒大鬧店舖貨不對版：「一向都話圖片只供參考」、「擺盤嚟嘅，嚇我唔到！」、「餐肉係伴碟、裝飾、點綴用，唔係食㗎」、「唔講仲以為係五香肉丁添！」、「個幾粒午餐肉見到都火！間嘢收皮啦！」、「有無寫明圖片只供參考先，得四粒黃豆咁好X過分」、「圖片只供參考」。另有部分網民就指責香港飲食業問題，「而家好多濕X冰室餐蛋麵都賣到5，60蚊，其實餐肉呢啲野應該係平價貨，儲存又易，都唔明賣到咁貴／畀咁少啲客做乜」、「好心啲餐廳唔好咁趴街啦，成本最貴係舖租及人工，呢啲食材跟本就很便宜」、「香港好多食肆做衰自己，尤其係茶餐廳，食物質素差左、服務態度又差左、又越嚟越貴，淨係識得賴政府、賴租貴、難請人！」。