荃灣豬肉佬阿威見面會合照收$300被轟？新自拍流出 即睇男神吸金力幾驚人

荃灣豬肉佬阿威搞生日見面會 想影相要畀$300?

阿威今年將會踏入35歲，早前荃新天地在社交平台上宣布，將會在6月5日下午3點為阿威舉辦生日見面會，原帖文寫道：「作為首次公開活動，點可以無粉絲福利俾各位威威豬㗎！只要係憑入場證參加生日見面會嘅會員，每人都可以即場同威威合照一張相，仲可以近距離接觸玩遊戲。」

原文條款寫明「會員憑3點數換領《威威生日見面會》入場證1張」，只要在商場消費每100元便可以有1點數，換言之，消費滿300元便可以獲得和阿威的合照機會。後來未知是因為被粉絲炮轟300元一次影相機會太貴還是安排出錯，商場社交平台又再更新帖文，指活動將會在露天地方舉行，並刪去活動入場劵的要求。

網民批評過份商業化

「荃灣鮮肉威威應援團」版主都有轉載相關的帖文並寫道：「其實早幾日已經收到商場PM，話見到我地成班威威豬想係6月5日搞生日會，即刻贊助場地俾（畀）我地（哋）！地方大啲，等大家都可以一齊參與！ 商場已經幫手通知埋威威專頁呢個安排添（㖭）呀！詳情再update大家」

但帖文引起阿威粉絲不滿，指整件事變得商業化「依家覺得太商業化，失去興趣」、「以為普通同我哋fans既（嘅）生日會，依家變咗商場活動咁…要3個點數先可以聽日去換入場劵影相玩遊戲…點搞到…即唔使去了，個意義性質都唔同咗」、「覺得一個生日會 搞到有點商業化」、「一啲都無尊重過我地（哋）！甚至叫我地（哋）做茄喱啡！做一塲（場）大龍鳯！第二日.A1」，「偏離左（咗）原意。靜靜地搞粉絲會唔得嘅，係要被人影上娛樂版A1…」更有網民指「生日會被騎劫」。

粉絲不賣帳，而其他網民也不賣帳，更笑指不明白為甚會請「豬肉佬」去做商場活動主角：「識你老鼠咩，XXXX都走出黎(嚟)企街」，更諷刺阿威是否會送豬肉，或者表演切豬肉。有網民更畫出阿威的畫像諷刺阿威的外表和紋身。

荃灣豬肉佬阿威人氣水漲船高拍多個廣告

劉宋威（阿威）因為外貌酷似MIRROR成員江熚生（AK）而得到一班家庭主婦粉絲。粉絲除了特意到阿威所在的荃灣街市買大量豬肉支持，又為阿威在社交平台開設粉絲群組「荃灣鮮肉威威應援團」，粉絲人數已經到約一萬六千人。後來阿威在三大社交平台上開設頻道，疑似想行KOL路線，更被前TVB高層陳志雲懷疑他背後有大集團發功。

延伸閱讀：森美稱荃灣肉檔AK做豬肉佬被鬧不尊重 陳志雲揭威威爆紅主因 背後竟有大勢力

阿威繼拍波鞋廣告之後，再接拍5秒的保鮮紙廣告，宣傳保鮮紙效能。早前又為煤氣公司拍片，親身落廚教大家用正確的豬肉部位煮一湯一菜，讓粉絲可以一睹廚藝。