荷里活女星靠食咩keep fit?

Angelina Jolie日日必食番茄
性感女神Angelina為咗keep fit，幾乎日日都要食500g 番茄，因為番茄中嘅茄紅素，可以去除體內嘅活性氧；而且，味道帶酸的食物有降低食慾嘅效果，所以檸檬也是Jolie 就係佢嘅第二最愛喇！

推介食法：可以將番茄稍微加熱，再淋上橄欖油食用，加熱嘅過程會使大量茄紅素排出，效果可提高七倍以上，如果搭配含有豐富蛋白質嘅豆腐一起食，效果會更加好！

Jessica Alba最愛消腩甜椒
因為甜椒含熱量非常低，所以Jessica甚至當佢係零食，口痕就攞嚟食。甜椒含有豐富嘅有機物同纖維素，可以能幫助清除宿便，好適合最驚有肚腩嘅女士。

推介食法：紅色甜椒嘅抗氧化功效最突出，如果用齊三色甜椒炒雞肉嚟餸飯，咁一餐飯所需嘅營養就齊哂喇！

Kate Winslet鍾意愈減愈fit嘅椰菜
初出道俾人叫「肥溫」嘅Kate Winslet，原來係好注重健康架！佢之所以可能飛甩「肥溫」呢個名，就係靠每日食100g 只有20 卡路里嘅椰菜。椰菜嘅鈣含量比大部分蔬菜都為高；而且合成骨骼細胞蛋白質所需要嘅維他命K 含量都相對豐富，唔止可以減低骨質疏鬆出現嘅可能，對減肥仲好有幫助！

推介食法：椰菜含有大量嘅食用纖維可以有效解決便秘問題，用椰菜嚟煲湯，或者用嚟醃製泡菜都係唔錯嘅方法。

Keira Knightley 專食菇當肉
減肥嗰陣，好易會出現蛋白質不足而導致肌肉流失，所以Keira唔想啲肉「鬆泡泡」，就會將菇菌類當肉咁食，因為菇菌類含有豐富嘅蛋白質、礦物質、維他命、同食用纖維，係keep fit人士嘅best choice！

推介食法：菇菌類如果過度加熱好易會燶，其實輕輕煮熱就可以即食，唔止可以減少對內含營養素嘅破壞，亦都係保持食物美味嘅好辦法。

(圖片及部分文字摘自網絡)