夫婦不滿薩利亞等位太耐 怒罵職員及食客 同行孫兒1舉動獲讚
大媽大叔不滿等位20分鐘為難職員
有網民於Facebook群組「大埔TAI PO」上載多段影片，稱「咁啱路過見到，突然間想影低落嚟」，內容是某天經過黃大仙一間餐廳時，見到有食客因等位太久而責難職員。片段開首就是一名大媽及一名大叔在薩利亞門口指責職員，內容提及到「你叫我唔等得就轉第二間」、「你咁講我就唔使等4個字啦」，語氣激動，似乎是因為等位太久所以向職員投訴，職員因無法保證何時才有座位，便回應若不想等可以去另一間，因此激怒他們。
食客出聲護職員、惹大叔不滿引罵戰
而在他們為難職員期間，一名伯伯食客疑似看不過眼，因此出聲制止，大叫「唔好嘈啦」、「人哋打工架咋」、「你搞X住人哋」、「你嘈住我啊」，此挑釁之舉令到大叔更不滿，轉身指罵伯伯，職員即時上前阻止，並大叫「你哋唔好嘈啦」、「阿叔！我求下你啦」、「你鬧我啦」，非常無奈，但仍無法制止二人。職員之後站在二人中間想隔開他們，但大叔並未收口，繼續指罵，這時大媽才拉開大叔，並指「唔好同無知識嘅人拗」。
孫仔出手阻止、2人終肯離場
而在大叔大媽與伯伯對罵期間，疑似其女兒及孫仔也出現，二人指罵職員時，疑似女兒也出聲「唔好嘈啦」，女士手拖的小朋友也在一旁揮手阻止，更大叫「收聲啦，阿公你」，並嘗試推開大叔阻止他繼續罵戰，這時大媽才開始冷靜下來，並抱怨大叔「嚇親個孫啦」，冷靜一陣後就高聲說「行啦，第二度食！」，片段就在此完結。
店員態度及同行孫兒舉動獲網民大讚
網民看完片段後，都指責2人行為非常差劣：「係人食飯都要等喇」、「基本禮貌都無」、「唔想排隊嘅話，一係你就自己早啲嚟，一係你就自己返屋企煮」、「去薩利亞扮上帝，呢兩條廢老真係麻X煩」；也有網民認為職員態度冷靜，伯伯見義勇為出聲也值得讚揚：「員工好好，人客都抱不平」、「阿伯路見不平，有雷」、「有客人出聲好感動」、「侍應個態度都算幾好」；有網民指2人「一個嚇親個孫，一個教壞個孫」，同時大讚同行的孫兒：「個第三代幾叻仔喎，佢識得勸開老人家」，又指「身教好緊要，佢地拖住果位小朋友真係慘」。
