蘇施黃爆喊指責政府高官不體恤市民：對付緊我哋 大膽敢言曾揭被圈中人夫約上床

防疫政策收緊蘇施黃公開批評政府

政府於星期三（1月5日）宣布收緊防疫政策，包括晚上6點後禁堂食、美容院、戲院及健身室等場所關閉14日。以往甚少談論政府表現的蘇施黃，日前她就該防疫政策於自家YouTube頻上載以《親愛的香港政府…你是否在等所有疫情完全消失呀？》為題的影片，片中更多番指責政府，更反問政府：「其實你係度等緊乜？」

蘇施黃指，現時疫情千變萬化，全世界都未知有何藥物可對付對付疫情，而事實證明打針已無法防預Omicron病毒，但現時政府卻只強調打針，「根本就無用，打針都會中！」她認為，香港市民在兩年多的抗疫時間中已經學懂跟病毒共存，有足夠意識去應付，但政府並不體恤基層市民，晚餐要取消，很多表演要延期，「政府走去閂晒所有嘢，我想理解下點生存呢？」更在鏡頭面前坦言：「我有少少感覺佢（政府）唔係對付緊啲疫情，係對付緊我哋！」

蘇施黃自揭曾被圈中有婦之夫約上床

一向敢言的蘇施黃，去年初與劉天賜、雲海在YouTube頻道上爆娛圈猛料。蘇施黃指在80年代，已故著名編劇、有婦之夫邱剛健曾主動來電邀約食飯，期間對方單刀直入問：「佢問我試過同男人未？我話我試過，佢就唔明點解（我）鍾意女人。」

其後，邱剛健依然未心死，再問蘇施黃：「同佢可唔可以，我話唔得，佢問我點解唔得，我答話好憎人有大肚腩，佢頭髮又好油咁，總之就係一個污糟男人嘅樣啦！」蘇施黃拒絕對方後，怎料他續問可否跟他擁抱或接吻，蘇施黃堅拒接受對方的要求，並反問對方為何對自己有興趣，而男方說：「我咩都試過，只未試過同不男不女嘅人上床，嘩！攞命呀！」

雖然事件驚人，但節目中蘇施黃提及男方邱剛健其實很深愛太太，甚至是恐怖的地步。蘇施黃稱男方喪妻後，每晚食飯都準備一套碗筷給亡妻，並放在太太骨灰前，又指：「後來佢出埠都會拎埋個骨灰龕，到最後佢就諗有咩辦法可以同老婆永遠一齊，唔使帶來帶去咁麻煩。最後佢每晚食飯，將佢老婆啲骨灰加落飯撈飯食，直至全部骨灰食晒為止。」