潘燦良曾多次求婚仍未註冊有原因？因1事終拉埋天窗！3大秘訣與蘇玉華熱戀26年

原文刊於：東方新地

《反起跑線聯盟》潘燦良表現幽默搞笑

ViuTV新劇《反起跑線聯盟》講述父母拒絕成為「怪獸家長」，與要求仔女贏在起跑線上的「虎爸」、「虎媽」，在樂悠悠幼稚園的校園裡各自為自己的理念辯護，展開連場激戰，由梁詠琪、周家怡、潘燦良等主演。Nora（梁詠琪飾演）的女兒瑤瑤一直未能適應幼稚園生活，在老公Armand（強尼飾演）的支持下，毅然從工作中退下來當全職媽媽，兼將女兒轉到「樂悠悠幼稚園」上課，孔校長（袁富華飾演）貫徹遵行無憂無慮與自由自在的教育方針，惟好勝尖子爸爸Charles（潘燦良飾演）竟然開始向學校施壓，務求要小朋友贏在起跑線，兩邊勢力針鋒相對，Nora與同理念家長決定成立「反起跑線聯盟」。

劇集內容温情、節奏舒服，笑位不少，最新一集Charles扮演Iron man幾搞笑，結尾「Super Daddy Man」都好溫馨，連谷德超都大讚潘燦良的演技：「阿燦演技好就唔使多講，我仲覺得佢好好笑、好幽默、好抵死，好有當年許冠文先生嗰種刻薄老細、外冷內熱嘅味道，佢在劇中當個仔好似下屬咁嚟溝通，個小朋友又好戲又唔老積，好享受睇呢條線。」另外不少網民都讚好睇：「係温馨劇，又反映了現况」、「好好睇，每集都有令人發笑位」、「港式貼地小品，好睇！」

蘇玉華潘燦良相識於微時是舞台劇界「神雕俠侶」

蘇玉華和潘燦良識同是演藝學院同學，大家志趣相投而拍拖，畢業後同進香港話劇團，後來潘燦良成為劇團台柱，有「劇團王子」之稱。而蘇玉華加入TVB，演過不少劇集，如《刑事偵緝檔案》、《茶是故鄉濃》等。同時她在舞台劇界都有好成績，曾於93年憑《蝦碌戲班》獲得的第二屆香港舞台劇獎「最佳女配角（喜 / 鬧劇）」；94年的電影版本《我和春天有個約會》贏來不少迴響；舞台劇版的《我和春天有個約會》和《南海十三郎》均演出超過100場，成績斐然；03年憑《生死界》獲得第十二屆香港舞台劇獎「最佳女主角（悲 / 正劇）」；憑《新傾城之戀》贏得「最佳白流蘇」美譽。

《平安谷之詭谷傳說》是她離開TVB前的最後一部作品，她在劇中飾演的是二奶奶嗚鳳，經常被劉江虐打，與舊情人張達倫私奔是最緊張的一幕，最後二奶奶出手帶領一班婦女聯盟對抗欺壓女人的男人真是大快人心，內心戲都交足功課，果然是好戲之人。

朱晨麗曾接受本刊訪問，表示要多謝蘇玉華幫了她不少：「阿蘇(蘇玉華)同劉老師(劉江)真係好好演技，平時私底下阿蘇啲霸氣，令你好驚，但埋到嚟，阿蘇成個小朋友咁，會同你嘻嘻哈哈、玩好後生嘅嘢，講笑又唔mind，可能因為咁令我無咁驚，做對手戲嗰陣就會舒服啲。」蘇玉華直言離開電視台沒有不捨，她曾於香港電台節目《瘋Show快活人》大爆之前初入拍劇辛酸日子：「當時拍劇拍到天昏地暗，爆show爆到七彩。我記得當時已接拍三套劇集，有一日PA再派通告，我望住連同手上已有幾疊嘅通告，忍唔住喊咗出嚟。我問自己︰『到底你做緊乜？點解要做得咁辛苦？』」她又坦言，最痛苦的是付出與成果不對等︰「縱然我付出好多時間、精力，但深知自己有一半時間都係拍緊垃圾，呢個係最痛苦。電視台內其實唔少人都好努力，但無奈唔係個個作品都有質素，有啲都係求其、流水作業式，係令人可惜，但唔好抹殺好多人嘅努力，仲係希望做得更好。」

曾多次求婚仍不婚有原因？前年因一事終拉埋天窗

2016年蘇玉華離巢，與潘燦良以情侶檔合作舞台劇。以前拍拖多年，他們不時被追問何時結婚，二人回應時都指對方是自己的靈魂伴侶，一早已把對方當作家人。潘燦良曾多次求婚，2014年已經求婚成功，但之後卻未有下文，他笑言但雙方都比較懶，隔一陣又會擺低件事。 蘇玉華曾解釋滿意同潘燦良的感情狀況，表示不需要一紙婚書來維繫感情：「我哋又覺得依家幾好，而且我又好懶，所以又無去做呢個行動，其實我哋都認定對方係另一半，結婚對我哋唔係咁重要。」、「結婚係為咗咩？名份？生小朋友？定係為咗有個男人可以照顧自己？如果係因為以上原因，我諗我唔需要結婚。」

二人共走過多年歲月，直至前年疫情爆發的時候，下定決心入紙申請註冊結婚，正式成為潘太。蘇玉華Sweet爆指同老公是天生一對，一直都浪漫，只是因為去到適婚年齡，才會結婚。而且最重要是

她有位男同性戀者離世，其同性伴侶為警察落口供，一見到她就攬住她喊：「我邊個都唔係！我唔可以幫佢做任何嘢，我唔可以幫佢簽任何嘢，我咩都唔係！」令她感到震撼，擔心將來同潘燦良是但一個有意外都不知道怎麼辦：「如果我唔可以幫佢簽紙，或者佢又唔可以幫我做任何嘢，咁點算呢？我覺得係一個最大嘅遺憾，我而家諗起都毛管戙。我哋不嬲都唔信奉嗰張紙，但係如果由另一個角度睇，所以我哋就結婚。」

除了演戲，二人的共同興趣是旅行。相愛26年依然專一未嫌悶已經夠難，仲要繼續話題多多兼似熱戀期小情侶一樣就難上加難，怪不得蘇玉華成日形容另一半潘燦良是soulmate，真是行段路，都可以說了其他夫妻一年對話。

相愛26年如熱戀有3大秘訣 蘇玉華笑到彎腰

話說早前他們曾被本刊記者影刊於大坑醫完肚去攞車，兩步路最多行三分鐘，他們竟然食完成餐飯都未講完，行吓又停吓，食完成餐飯都未講完，激烈討論到行成30分鐘。兩人相處重點是不會敷衍對方；不會一個講晒；而是有溝通、有互動，充滿火花又氣氛融洽。周不時仲見到蘇玉華一副崇拜樣子仰望男友，26年竟然都不斷有話題，仲識笑到彎晒腰，不說以為這對是熱戀期少男少女。

情侶檔舞台劇再公演

相愛多年，感情如一，話題不斷又可以孖住開工，並非每一對情侶夫婦做得到。之前蘇玉華和潘燦良情侶檔舞台劇《謊言》再度公演，不少圈中人去捧場，當中視后田蕊妮、唐詩詠都走去偷師

蘇玉華同老公扮路人

不過話晒都老夫老妻，都並非時時好傾。本刊記者曾經遇見他們孖公仔現身觀塘，兩人泊好車後分頭去買東西食，蘇玉華去買三文治，潘燦良就去茶餐廳買飯盒，之後他們於茶餐廳門外會合。蘇玉華全程揸住部電話做低頭族，同潘燦良就好似陌生人，一前一後行上一座工業大廈，期間完全零交談，連眼神都沒有，難道感情已經升華到不用對話都一樣好默契？