蜘蛛媽媽鄭麗莎分享 誕下 三胞胎 過程
廣告
鄭麗莎 三胞胎 前日出咗世喇！次序係仔、女、女，兩個囡囡有兩個哥哥，好羨慕！不過由於BBB唔足磅要瞓箱，暫時未有相睇，媽媽話等甩咗喉先再公開呀！不過，最緊要四母子平安！佢今日就喺FB分享誕下BBBs的過程！話自己周身都痛啊！
以下文字轉自蜘蛛媽媽- 鄭麗莎LisaCheng FB
自從BBB豬出世後，除咗手術當日要全身麻醉身體很攰，可以瞓得好外，之後這兩天都唔係點瞓到~ 今次三胞胎是開刀的，現在除咗傷口痛外，乳痛，頸痛，背痛和腰痛咩都出曬嚟，相比第一胎生小晉的順產後感覺差好遠~
順產雖然有陣痛幾個鐘，但之後入到產房一鼓勇氣十級痛咁痾佢出黎後，就大功告成!! 記得生完休息一陣，好快可以落床去廁所。相反，今胎開刀後又要禁水禁食，插曬尿喉和鹽水袋，想坐直和試落地想行兩步，傷口都痛痛痛，醫院床瞓得太耐又背痛和腰痛。。。所以真係長痛不如短痛!!
如果下胎有得比我揀，都係順產好~~~ By the way，好耐未試過呢個角度睇到自己腳趾了，依家瞓平摸摸自己無左個大肚dum，感覺很奇妙，但表面層皮還是鬆鬆的，我要比心機，快d搞掂好身體，搞掂好層皮，搞掂好一切!!! 同埋我d小天使迎接將!
