血型決定性格同壽命 日本專家：呢個血型最長命
廣告
要知道一個人嘅個性係點，唔少人都好鐘意用心理測驗，或者星座去判斷一個人。不過，日本節目「林修の今でしょ！講座」就有專家表示，原來我哋每個人嘅血型都會影響到我哋嘅性格，除咗會影響思考習慣之外，都會影響埋我哋嘅健康，仲會決定埋我哋係咪長壽添，依家就同大家一一探討啦！
撰文：Sunday Kiss｜圖片來源：節目截圖，Youtube
日本專家：血型決定性格和壽命
節目中，邀請東海大學嘅灰田宗考教授去做實驗，來引證個人嘅血型係可以決定性格同壽命。
1. AB型能同時使用左右腦
東海大學教授灰田宗考先生畀咗一幅圖畫測試者睇，同時透過磁力共振去掃描佢哋嘅大腦使用情況。
研究發現，A型血擅長用左腦思考， B型血則擅長使用右腦。另外，O型血會因應唔同情況交錯使用左右腦，而AB型血則能夠同時使用左右腦思考。通常習慣使用左腦思考嘅人會較理性，而習慣使用右腦思考嘅人會較感性。
2. O型血患重病的機率較低
研究指出，O型血患胃癌嘅機率比其他血型低55%，原因係佢哋比較唔容易受到主要導致胃癌同胰臟癌嘅螺旋菌感染，而且O型血嘅人認識能力較弱，因此心肌梗塞或患上血栓嘅機會比其他血型嘅人較低。
此外，O型血其實有先天優勢。除咗患上胃癌、胰臟癌，以及心肌梗塞等機率較低外，O型血嘅人患上糖尿病及老人癡呆症等機率亦較低。
3. 人瑞大多是B型血
日本慶應義塾大學嘅研究結果發現，日本大多數人瑞都係B型血。節目將此研究與之前東京大學與理化學研究所，就血球作出嘅研究結果一同討論，因為B型血所擁有嘅B抗原製造血球嘅能力較高，唔會咁容易患貧血，細胞嘅更新速度亦較快。因此身體更健康長壽。
不過，即使研究顯示出血型同長壽有密切關係，平時生活和飲食習慣都有好大嘅影響，所以大家要注意啦！
https://www.youtube.com/watch?v=tkwcGgjoYVc
