好聲好戲｜袁偉豪失準反斥節目？曾介意被指嫁畀張寶兒食軟飯 斥大家無良心
袁偉豪聲演丁蟹失誤獲不合格成績
袁偉豪日前參加TVB電視聲演真人騷《好聲好戲》第二季，聲演《大時代》「丁蟹」（鄭少秋飾演）角色，當中一場丁蟹在獄中反駁方敏（楊羚飾演）看不開是跟他無關的戲份，在這段演繹中，袁偉豪無論在表情、語調都沒有甚麼變化，而且甩嘴忘記對白，連他在演繹後都搖頭苦笑，評判汪明荃狠狠批評：「佢係好激動，但佢無秋官連眼都有火。」專業配音員黃鳳英則表示這場戲很難應付：「就算我哋呢啲專業，都覺得好難應付。」最後他僅獲三盞綠色和八盞紅燈的成績，袁偉豪完成參賽後表示：「可能大家都會覺得我好似掘個窿畀自己跳落去，如果平平無奇揀條片hea咗去，我就覺得唔夠誠意。」
被網民批自視過高 袁偉豪反斥節目配樂喧賓奪主
這段聲演，網民的評價好壞參半，有人認為這段戲的演技需求太高，袁偉豪自視過高認為自己能夠駕馭：「不自量力，丁蟹秋官演技太高，真係配唔到」、「演戲木口木面，以為做過男一就自視過高」、「全無演技可言，早啲瞓啦」等等；亦有網民鼓勵他，希望他可以繼續努力：「講真要已經一線或者已上位嘅藝人自願去做其他演藝上嘅挑戰已經難，仲要當場接受批評，淨係這點勇氣已經值得比個讚啦」、「專業配音員都難配，何況無經驗配音1 take過」、「有演出丁蟹性格不是我錯的味道，但唔夠激動，繼續努力」等等，袁偉豪亦有現身親自回覆網民：「自古成功在嘗試，唔試過點知呢？」
其後袁偉豪於社交平台上載限時動態，直斥節目配樂喧賓奪主：「好聲好氣（戲），係好睇嘅，但唔知點解，嗰啲配樂係都要由頭到尾無停過呢？Background music過多而且Level過大，我覺得會令到觀眾無機會去呼吸整個節目嘅現場氣氛，唔通配樂先至係主菜？」
被網民指外表不夠精神 大爆苦衷曾脫髮
日前，張寶兒開Instagram直播，袁偉豪中途加入。有網民指袁偉豪「老了不少」，袁偉豪回應：「老了不少？呢啲唔好講，你識咗我廿幾年，梗係老，你哋成日記住我30歲嗰時，點同呢？」身為「愛夫號」的張寶兒直言老去其實是一件值得欣賞的事，一個人有歷練和經過時間的洗禮會更吸引，而且老去更是一件人生正常不過的事，大讚袁偉豪有落力保養，更形容他保養得宜，有逆齡效果，狀態比起以前更好，聽到老婆為自己講說話，袁偉豪笑得笑牙唔見笑眼，相當開心，更大爆自己逆齡的秘訣就是「採陰補陽」，張寶兒說：「即係聽晒老婆話啦！」他則指是成人話題。
不過他都有回應經常有網民指他外表不夠精神，臉頰凹陷不少，感覺整個人消瘦了的問題﹐他指今年年初要同時拍攝《廉政行動2022》、《法證先鋒V》，有一個月時間是「劇疊劇」，天天捱更抵夜，睡眠時間不足，再加上因為他曾飾演一個失眠的警察，自己不知不覺投入角色，變得變憔悴和疲累，令到自己出現脫髮情況。所以他認為網民的批評，反而印證自己有努力、如實地演活角色，代表演技又有進步到。
曾介意被指嫁畀張寶兒＋食軟飯 為自己平反斥大家無良心
袁偉豪表示在過去的兩年間，全香港人都受到疫情關係的氣氛下籠罩，心情氣氛都不太愉快，而且他自結婚後出現「嫁畀張寶兒」才可得到6,000萬豪宅、「食軟飯」、「（袁偉豪）係姓張」等的網上言論，他直言自己當年十分在意這些言論，一點一滴也注入了他的內心，認為大眾將他多年來的努力抹去：「傳媒集中報道點樣去置業，我點樣嫁咗俾你，我點樣食軟飯，每一句每一句好少嘅說話或者每一次好簡單嘅報道，其實係逐少逐少注入我內心，當然會唔開心啦。自己奮鬥咗咁多年努力，叫做有啲成績、市場接受自己、有好角色、搵到啲錢、儲到啲錢，搵到一個自己鍾意嘅人去結婚，就算到呢一刻使晒啲錢又如何呢，呢兩年都係食老本無問題，咪重新嚟過囉，仲要面對被話我食軟飯，又話我姓張，嗰啲人真係好無良心。」
近年他開始多在綜藝節目現身，這證明他自己的狀態很好，準備好與大家見面。他指現時好開心，亦沒有甚麼事會令他不開心。他提到自己過去兩年停止接受傳媒專訪，是因為不想製造機會讓大家談論自己，皆因有其中一間傳媒是在近兩年針對他與張寶兒結婚和置業的事宜：「某一間傳媒對我係有特別嘅針對啦，自從我哋結婚買樓開始，就針對我、針對你張寶兒啦，所以過去兩年我冇再製造任何機會俾人再去講嘢，喺呢個live夜深同大家傾偈，講下心底話，無傷大雅，我又開心大家又開心。」
張寶兒安慰老公，直指每一個藝人亦有自己的難處，而袁偉豪入行25年是一個十分長的時間，事業猶如他人生的中大部份，所以 自然會更加在意各樣言論。袁偉豪回應指這些舉動其實是欺負他，相信沒有人會喜歡被欺負，而且是不能夠接受。他自稱是有義氣的人，過往也在網上為藝人發聲，雖然言行相對較為偏激，但只為幫他人爭取應有的。
