袁潔瑩近況憔悴曝光 52歲曾患病暴瘦情路坎坷 點解離巢?轉行失敗

袁潔瑩被網民選為古裝美人之一

袁潔瑩被網民推選為古裝美人的第二名，因為她的獨特古裝氣質，所以經常被派參演大量的武俠電影包括《笑傲江湖》、《東方不敗》、《太極張三丰》等。網民大讚袁潔瑩演活《人龍傳說》小魚，網民大讚：「佢真係靚到爆炸！」、「佢最靚，仙氣+英氣！仲有啲古裝公子feel。」

袁潔瑩因吵架而獲入行機會

袁潔瑩於15歲在鏞記酒家門外跟初戀男友吵架時被黃百鳴發掘，黃百鳴接受訪問時提到：「當時要四個女仔，已經有有羅美薇、陳加玲、傅明憲，惟獨『卑鄙會會長戴卓儀』仲未有人選，因為角色要靚又要cool。」他和導演高志森駕車時剛好撞見袁潔瑩和男朋友吵架，看到她很cool還怒啤住男朋友，即邀請她拍戲：「呢個正正係我想搵嘅戴卓儀！我喺街度執佢入行！」袁潔瑩因而拍攝電影《開心鬼》的續集《開心鬼放暑假》而入行，並與羅美薇、陳加玲等人組成「開心少女組」，電影大賣。

袁潔瑩表示當初只是抱著好玩心態，沒想過為入行放棄學業。當初為免影響學業，所以拍攝都是在暑假進行，但後來她因為拍攝第二部電影需要請假，被學校以影響學生情緒為由要求退學 ：「真係慘，好似被人踢出校…」雖然當時她仍未夠成年，但片酬加利是已有20,000港元，正式加入影壇後更片約不斷，瞬間成為萬人迷。紅極一時的袁潔瑩，更被周星馳欽點飾演《鹿鼎記》雙兒一角。

19歲挑戰大尺度電影成最難忘經驗

袁潔瑩指1988年的黑暗寫實電影《學校風雲》最令自己難忘，當年只有19歲的她在《學校風雲》中扮演自甘墮落而賣身的朱婉芳，更不時有除衫與暴力鏡頭。她接受訪問時提到：「嗰陣出咗三級制，套戲剪咗好多，我拍嗰陣好心寒，眾目睽睽成班古惑仔叫我除衫，林嶺東（導演）講番都話殘忍。」

曾一度拒絕與男神梁朝偉拍吻戲

她曾透露拍攝電影《喋血街頭》，一度拒演。袁潔瑩提起當年拒演一事：「一聽到話咀呀？我就講：『唔好意思，我唔拍喇！』，激到吳宇森呢…我話男朋友唔鍾意，但佢話將來做女主角，呢啲戲份無可避免。」後來，袁潔瑩得到當時的男朋友準許下，才接洽這部電影，而她的熒幕初吻也給了梁朝偉。

壓力大搞到厭食 體重曾跌至77磅

袁潔瑩入行九年後有厭食問題，體重跌至34公斤，樣子消瘦憔悴，令她的事業一度停滯。當年傳聞她是因為工作壓力和感情問題因而壓力大導致患病。她在2014年接受有線電視節目《星級會客室》汪曼玲訪問時就解釋過自己厭食的原因與出唱片有關：「基本上我對唱歌無乜信心，同埋開始擔心同緊張，不停做運動，因為要練氣，一路做運動一路唱歌，做吓做吓就真係瘦咗。開頭10磅、8磅都仲控制到，跟住大家之後都話我變靚咗，以為瘦就係靚，就開始瘋狂，係心理病。」

病情持續了兩年，袁潔瑩後來終痊癒：「我係瘦到過輕之後，個情緒就出現問題，因為你個身體失調，你個思想都會古古怪怪。我都已經唔聽人講，淨係自己同自己比較，基本上（瘦到）已經無人讚我靚，行出街都無人認得我，我阿媽三五七日就喊一次，或者跪喺度求我要我食嘢。直頭瘦到好似末期癌患者咁呀，之後就決心去醫，好彩好快搞得掂。」

淡出娛樂圈 經歷生意失敗

袁潔瑩開始淡出娛樂圈，最近的作品已經是14年的《女人俱樂部》。她曾表示全因自己已厭倦拍戲生涯：「好辛苦，嗰時太拼博，又係化妝、埋位、拍攝…一拍就18個鐘，體力一定撐唔住。」她補充：「我無諗過事業去到咩頂峰…我唔係咁熱愛事業，收咗人工就會同人玩。做藝人都係人，點解我成日都要做大家鍾意嘅樣？」

她慢慢減少幕前演出，只是偶爾拍豐胸廣告，期間試過做時裝、美容生意，但失敗收場，她說：「自己唔適合做生意，可能我哋唔識計數，大家都無經驗，傻到飛到英國、美國入貨，無計成本，收支平衡唔到。同埋未興嘅衫已經買晒返嚟，我哋賣一條褲千幾蚊。」

情史豐富 曾和大劉有1段情

袁潔瑩入行多年曾與徐日勤、富商劉鑾雄、郭富城、王傑、「白花油王子」顏福偉、及TVB監製陳維冠、女性密友等傳緋聞。

1. 袁潔瑩入行後和著名的音樂人之一徐日勤相戀，徐日勤當時為張國榮、梅艷芳等著名影星製作歌曲。雖然當時袁潔瑩是影視紅星，但當年卻被外界諷刺想要藉助徐日勤的名氣轉做歌手。
2. 與徐日勤分手後，袁潔瑩和郭富城傳出因為多次合作而被戲假情真。雖然不少圈中人都認為二人非常登對，但她因而成為郭富城粉絲的頭號公敵，傳聞更收到郭富城粉絲的血書，最後有指因壓力太大而分手收場。
3. 袁潔瑩曾和富商劉鑾雄傳出緋聞，當年傳聞富商劉鑾雄以港幣700萬和跑車追求她，令她成為其中一個女朋友，每當有人問起劉鑾雄，她總會說「人人認定我一定好貪錢，可這是我們兩個人的事，不用向誰交代」。劉鑾雄的原配寶詠琴，指袁潔瑩是劉鑾雄女友中最乖巧聽話的一個。但三年後，二人便分手，據說袁潔瑩厭倦了劉鑾雄花心的性格而離開。
4. 淡出娛圈後，袁潔瑩與同性密友阮嘉欣傳出曾展開長達七年的戀人關係，有指二人原是中學同學，後因在派對上重逢，而展開關係。當時傳媒指她們經常一起買菜做飯，手拉手出雙入對。袁潔瑩起初只說是朋友，但漸漸更改口風 ：「同她們在一起玩，不用裝堅強保護自己，不用姿姿整整。而同靚仔男星在一起，我會有距離，好討厭那種痴男怨女式的緋聞。」但二人因性格而於2012分手收場。

出席電影首映近況曝光 或重現鏡頭前

袁潔瑩現今除了做義工之外，她還會出席一些公開活動，早前出席電影《月老》首映禮。她透露因疫情和限聚令關係，難與朋友聚會，近來疫情放緩才開始約朋友食飯，感覺世界再次有希望，她謂：「雖然我唔使開工，但都知演藝界嘅朋友好慘，幸好依家情況愈嚟愈好。」她又指一直有人邀請她工作，近日有節目想找她做嘉賓，她目前還在考慮中。