港媽帶4個月BB西九野餐嫌小孩吹泡泡 上網公審圍爐遭網民一句KO

港媽帶4個月大BB西九野餐

一名港媽在Facebook專頁「生仔要考牌系列」匿名投稿，透露一行四個大人，三隻狗以及一個4個月的BB，中午到西九文化區野餐，坐坐下發現隔離有一班幼稚園學生聚會。

她發現自己被一堆3, 4歲的小朋友圍住，已經心知不妙，眼見學生家長們影大合照時，始見到有超過15個家庭，每個家庭平均有一至兩個3, 4歲的小朋友。她直言：「佢哋嗰陣就恰好喺我哋隔離，真係好恐怖。」

指責小孩吹泡泡污染食物和BB

去野餐就當然會有自備食物同飲品，港媽續指，正當她們開餐時，其中一個學生媽媽不停為自己的小孩「好high咁」拍照。該小孩拿著一個泡泡機不停吹泡泡。雖然拍照不是問題，但是對方完全忽略風向把泡泡吹到港媽的食物和BB身上。

港媽在旁邊觀察了接近1分鐘後，發現該學生媽媽不但沒有制止孩子的行為，更一直為小孩興奮拍照。她終於忍不住出聲：「唔好意思，你啲泡泡吹晒落去我啲嘢食同埋個BB度」配上憤怒的眼神「怒睥」之後，該家長才帶離小孩離開。此事令她不禁感嘆：「自私嘅人類不適宜生仔為害世界」。

港媽言行遭網民一面倒批評

帖文發布後，不少網民對於港媽的言行抱有相反態度，認為風向是無法控制的，如果怕被人騷擾，不如直接留在家中野餐。網民一面倒批評，又指該港媽不懂設身處境考慮他人：「地小人多，仲要假期，唔想被人騷擾到既話可以試下屋企野餐」、「大開眼界」、「到你4個月b 變4歲時，你再review下自己個post」、「以為成個西九文化區都係屬於自己？」、「見到咁多人鬧po主，我就放心了」。

資料授權：Facebook@「生仔要考牌」