親子好去處杜鵑花隧道+迷你花展 @元州邨

Mar 12 2017

三、四月份相信人人都會去咗維園睇花卉展，今年我哋就冇去到，反而去咗元州邨睇杜鵑花隧道，原來真係好靚靚架!

杜鵑花隧道+迷你花展 @元州邨

元州邨呢條杜鵑花隧道早一兩年都已經街知巷聞，今年專程嚟拜訪一下(其實都係屋企附近^.^)

去到長沙灣C2出口，一出港鐵站轉左就會見到!

隧道口呢個位真係幾有結婚相Feel! 好多人都專程嚟呢度影相，仲有D龍友同靚女私影tim!

杜鵑花盛開，顏色又鮮艷! 真係影相影到我手軟

行咗入去花隧道，兩個唔知係咪喺度攪笑，不斷喺度跳起想掂到D 杜鵑花

芊芊你走光啦!!!!

都係靜靜哋咁同杜鵑花影相咪好囉!

相信這個星期會杜鵑花會開得更加燦爛

除咗呢個大名頂頂既杜鵑花隧道，其實在隧道口仲有個小小的迷你花展!

原來全部係邨民同義工自己出錢又出力咁去建設，呢個小花卉展真係咩花都有，失驚無神又會有枝高高的玫瑰花(唔知啱唔啱)種咗喺中間

Photo byCANON 5D Mark III,Len|EF 24-70mm f/2.8L USM

想跟我去體驗其他活動，快D報名親子團，同埋留意專頁公佈詳情啦！

呀劍評分:10分

呀劍評語:真真真好靚! 雖然地方唔算大，但係近近哋又少人，影相都唔怕俾人遮住。同埋超有人情味，因為全部都係邨民義工自發出錢出力建造一樹一木一花一草! 感動…

杜鵑花隧道簡介

花廊全長約30米，盛放的時候一片片姹紫嫣紅的杜鵑花爭妍鬥麗，穿越其中令人賞心悅目。

花期

3月 – 4月

地點

元州邨

(以上資料更新至文章當日)

關鍵詞