愛回家｜群姐後生自爆多人追 遇車禍老公不離棄 結婚半世紀曾為咩鬧離婚?

憑《愛回家》群姐一角成網民女神

許思敏於TVB處境劇《愛回家之開心速遞》飾演接龍集團的清潔姐姐群姐「伊莎貝拉．群」，角色喜歡八卦，成功入屋，大受網民歡迎。初時許思敏的名沒有出現在《愛．回家》劇集結尾的演員表上，後來角色日漸受觀眾歡迎才名列其中’其後她的戲份越來越重，對白越來越多，每次出場都能引起笑點，為觀眾帶來驚喜。18年，她成為多套單元女主角，不但與劇中風少（陳浚霆飾）扮演「熒幕CP」發展母子情，更一連兩集與偶像歐陽波比（歐陽震華飾演）一起歷盡三世情緣，好評如潮，19年她獲網民選為《愛回家》女神No. 1。

終由特約演員成為TVB基本合約藝人

許思敏於今年六月終正式與TVB簽約，成為旗下基本合約藝人，更首度登上TVB官網藝人頁面。原來許思敏一直以特約演員的身份參演劇集。她在商業電台《星光背後》受訪時分享簽約感受： 「拍咗咁耐劇依家得到認同喎，我當然開心啦，雖然都係接通告，拍劇開工，兩者應該無咩大分別，不過我諗安排工作上行政上都會方便啲。依家除咗拍攝《開心速遞》外，都會喺《鄰住買》節目入面同路芙一齊做主持。」更聲稱暫時未知會否多些演出機會。

婚後因機緣巧合入行 最難忘與秋生哥對戲

許思敏家境窮困﹐從小在鐵皮屋生活。因為太婆關係，她具有俄羅斯血統，讀書時熱愛打扮，未能完全專注學業只就讀到中五。出來社會後，她曾任職旅行社文員、化妝品專櫃銷售員、名店售貨員等 ，由於化妝技術良好更獲邀為新娘化妝師，直至1976年結婚、生兒育女，當全職家庭主婦。

後來她被廣告商睇中她和兒子，母子參與拍攝多個廣告，後來獲導演邀請以兼職性質參演劇集，用特約演員身份客串多部影視作品，過往多以媽媽、闊太以及師奶等角色出現在熒光幕上，入行超過40年。

許思敏的首部電影就是88年的《雞同鴨講》，戲份較重的是93年由李修賢招她演出的電影《八仙飯店之人肉叉燒包》，她在電台訪問講起當時要與影帝黃秋生合作拍攝電影，直言有點害怕黃秋生，前兩晚更緊張到失眠：「仲記得導演係邱禮濤，嗰場戲拍咗兩日，因為同秋生做戲又有好多戲份，好大壓力、好緊張，足足兩日都失眠！最後秋生都好好，好遷就我拍，亦無對我惡過，未埋位亦有同我閒聊。反而佢演惡戲時，嗰班做我仔女嘅小演員個個都被佢嚇怕。」

許思敏由1980年代拍教育電視起步，多年來遊走於影壇和多間電視台，曾與無數巨星合作，許思敏坦言最欣賞及最無架子的巨星一定是「發哥」周潤發：「最Nice梗係發哥！同佢合作咗好多次，雖然同場時只得好少有接觸嘅戲份，但見到佢喺片場，總係好Nice對人好好！」而且要數到最經典的電影，必定是與苑瓊丹《九品芝麻官》唸急口令的一幕。

一場意外促使許思敏早婚

也許很多人知道許思敏的演藝路，但未必很多人知道她的愛情故事。她於24歲就早婚，成婚已經40載，至今與老公育有三子四孫，老公是她的第二任男友。許思敏近日接受商業電台《星光背後》訪問談及到情史，笑言年青時的她愛美又貪玩，更自爆當年因為參加派對後遇上嚴重車禍，在臉上留下一個很大的傷口，因老公一個舉動促使她決定將終生付託對方，年輕結婚：「年青我都算靚，我先生很用心追我。當時返工要著高踭鞋，佢日日車我管接送。那次我參加派對後撞車面上留咗好大傷口，佢話：『你有咩傷口都愛你！我畀錢你整！係咪好窩心？嗰時自己好擔心，成世人咁大嘅傷口，就反省女仔唔應咁貪玩，佢對我咁好，應該搵個歸宿嫁人。」

自爆嗌過離婚 不怕被老公背叛

被問到逾40載的婚姻是否一帆風順、和老公恩愛如昔，許思敏就大爆原來自己曾經喊過離婚：「邊有咁多愛？咁多年乜愛都無晒啦！兩夫妻相處咁耐一定有拗撬，最緊要嘈完就算！都試過嘈到鬧離婚，嗰次佢去咗澳門賭錢失蹤，嗰時電話唔方便，我就同佢嘈！當然又輸錢啦！之後我喊離婚，佢又無出聲，我就走咗去食牛腩麵，最後三個仔搵我返嚟就無事！其實有咩拗撬，雙方離開，放鬆一陣就會無事。我哋少見面會好啲，我去拍戲有工作，佢就會搵自己娛樂。」她指並不擔心老公會背叛她：「我成日同佢講我忙拍戲，佢可以去搵個伴。我經常同老公講，夫妻相處就係要包容。」許思敏雖然已經年屆66歲，卻坦言不會退休，因為她除了喜愛演戲之餘，亦不想與社會脫軌。