詹天文低調赴內地開學 到埗即要抽血 「傷勢照」惹粉絲擔憂 校園環境曝光！
廣告
18歲詹天文（Windy）未考DSE前就宣布收到美國伯克利音樂學院(Berklee College of Music)嘅offer，不過Windy最後都放棄，選擇前往廣州「星海音樂學院」繼續學業。適逢最近係開學嘅大日子，Windy低調搭高鐵上廣州開學，不過一抵達當地就要抽血，其「傷勢」照更惹來粉絲擔心！
詹天文低調搭高鐵上廣州開學
詹天文日前分享咗唔少開學時的照片，其中1張就係佢拖住行李搭高鐵。相較於遊美時嘅精心打扮，準備去開學嘅詹天文今次出鏡就顯得十分低調。
而且相中Windy睇落並冇帶好多行李，令唔少人都猜測佢係唔係打算經常往返中港兩地，兼顧學業同事業。詹天文仲分享埋教室嘅環境，以及嘆小龍蝦同酸辣粉嘅相片，似乎已經快速同同學打好關係。
詹天文晒「傷勢」照惹fans叮囑
而在詹天文晒出的照片中，就有1張影住自己手臂慘遭攻擊嘅「傷勢」照，引起唔少fans關注。隨後亦有網民留言叮囑詹天文「真係要小心廣州的蚊患」，更獲Windy回覆「嗰張係抽血後的紀錄」。
原來令fans擔心爆嘅「傷勢」照其實係被蚊咬嘅痕跡，迷底解開後都令fans稍微放心！
