香港竟然有豪宅級公屋？！　網民：我住私樓都無咁大個泳池

撰文：經濟一週｜圖片：新傳媒資料室、乙明邨Facebook專頁、维基百科｜編輯：C Lam@Central

香港竟然有豪宅級公屋？！　乙明邨被稱為「公屋之王」

說的就是位於沙田的乙明邨，沙田區是上世紀70年代的新市鎮，有完善的社區配套，生活環境不像九龍或港島市區那麼密集，空閒時間還可以踩單車，非常寫意。雖然不少人都想在沙田置業，但現時香港樓價高企，好多人想買樓儲首期都要儲10年8年。不過網民就發現沙田的乙明邨，可以說是私樓級的公屋，環境還超級開揚！

以前公屋給人的印象比較簡陋，只提供基本需要，樓與樓之間又密集，分分鐘望到對面樓正在做什麼，但乙明邨就不同啦！樓與樓之間隔得遠，不會有密集的感覺！而且還背山面河！環境一流！（公屋都做到咁，小編真係想即刻申請搬入去住！）

你以為乙明邨只有景靚？少年，你太年輕了！乙明邨基本設施一應俱全，大部分單位都設有浴缸，不少巴打表示新買私樓都是「企缸」，叫人情何以堪！雖然乙明邨是80年代初先起好，但竟然有個私人泳池！一大一細，夏天落樓下游下水，一流！真的令人羨慕妒忌恨！

相比起其他公屋，乙明邨真的十分不錯，不過其實沙田不少公屋的環境都不俗，好似禾輋邨，景觀同樣開揚！望河境的話可以眺望到沙田第一城、富豪花園，望山的可望到火炭。

乙明邨離沙田市中心僅15分鐘步程，市中心最近有戲院重新開幕，設有全港首間RealD Cinema，新電影大樓命名為「MOVIE TOWN」，設有7間影院並提供逾1,700個座位的，為新界最大規模戲院，最平$50可以看場戲。

屋邨康樂設施齊全，有公園、籃球場同滾軸溜冰場。

乙明邨內有齊幼稚園、小學及中學。

還有停車場！

住公屋有私樓的環境，認真不錯，所以乙明邨被討論區巴打喻為「公屋之王」！