賴慰玲晒唯美孕照 興奮迎接寶寶來臨
廣告
賴慰玲（Winki)今年七月宣佈陀B，至今BB已經9個月大啦，面臨BB即將誕生嘅大日子，準媽媽Winki自己都大呼：「I am ready!」。日前，佢喺社交網站大晒唯美黑白大肚相，卸貨日子開始倒數！
撰文：Sunday Kiss
圖片：賴慰玲@Instagram
賴慰玲：「I am ready!」
賴慰玲自從宣佈懷孕，經常會喺社交平台分享佢嘅心路歷程。之前佢就分享自己體重已經達到60公斤，而今次佢就向大家宣傳：「I am ready!」。Winki話最近開始問身邊嘅媽媽同朋友，發現每個人嘅作動情況都好唔同，每個故事都好深刻同獨特。
Winki仲話：「我希望 #一個即食麵 #一杯奶茶#一天一天 #令人興奮 #性感演繹」，睇嚟佢十分期待卸貨之日可以盡情大吃大喝！
Winki接受訪問時話自己初初都冇諗過會影得咁性感，但由於相片係出自佢嘅一位女攝影師朋友，佢都好放心同有安全感。佢話雖然越影越性感，但係呢種係健康性感，可以凸顯出孕婦嘅線條。
賴慰玲陀B重30磅
Winki日前喺Instagram分享自己嘅上磅圖，見到陀B九個月嘅佢已經達到60公斤啦！佢話自己至今已經重咗30磅，但仍然有唔少人問佢點解咁瘦，佢懷疑自己之前似足「人乾」。佢仲話自己之後應該會再重啲，叫大家從今以後可以叫佢「肥妹」啦！
Winki話自己最近嘅生活只有食同瞓，已經養到肥肥白白，仲講笑話：「#無咩事我返房再瞓啦 #Goodnight」，亦有網民「突破盲腸」指Winki著住對鞋上磅，認真搞笑！
對於很多人質疑她，為何不先結婚才陀仔，她處之泰然道，只要雙方是認真，次序並不重要，時機是否適合才是最重要。距離預產期愈接近，Winki的心情愈興奮，準備以順產迎接BB，她揚言人一世物一世，就算痛足50小時也不怕，「人生有幾十個鐘經歷呢樣咁震撼嘅事，都好值得紀念呀，痛咪痛囉，最緊要健健康康！」
