港女斥迪士尼職員1句破壞童真 長文控訴園內不愉快過程 網民大呻類似經歷

迪士尼畫畫工作坊只有10分鐘作畫　小朋友畫不完立即變自卑

有網民在Dcard網上討論區以「有個迪士尼工作人員堅顛覆人對迪士尼嘅幻想」匿名發文。

她表示日前陪同一班小朋友去迪士尼參加畫畫工作坊，當中在畫畫教學環節中，因工作人員安排不當，全程只有十分鐘時間作畫。樓主抱怨指：「一入到去已經好趕，見到出面有其他人排緊隊，唔知佢地啲時間點安排，總之我地係十分鐘裡面畫完，趕到呢…連之前普通參加呢啲畫班，都唔使趕到咁……」她指在僅有的十分鐘要畫完一幅米奇老鼠畫，小朋友根本完全跟不上進度：「未畫好就到下一個step，之後有好多小朋友畫完之後都自卑」小朋友甚至表示：「唔好睇我幅畫啦！」

迪士尼職員一話令小朋友幻想破滅 網民投訴態度差

除了時間安排不合理，網民還投訴教小朋友畫畫的職員態度差。事緣小朋友好奇問：「點解姐姐你畫得咁靚嘅？」女職員竟然答話「梗係啦，我日日返工，日日都要重複咁畫，梗係靚㗎！」女職員的答案令網民大跌眼鏡。網民認為，明明迪士尼是一個充滿夢想的地方，萬萬沒想到職員如此不專業，面對小朋友問題竟然給出如此現實的答案，她形容：「佢答到勁似一個社畜，返工返到好辛苦」。

除此之外，作畫期間小朋友問及為甚麼不能用擦膠？該女職員非常晦氣地回答：「頭先咪講左（咗）無擦膠用囉～！係咪無留心聽清楚！？」但網民職員誤會小朋友意思：「小朋友唔係話點解無擦膠用，佢係問點解唔用得擦膠，個工作人員重複講幾次，強調話啲小朋友唔聽清楚，我估佢應該get錯個小朋友嘅意思。」

整個工作坊體驗及安排令樓主非常無語：「同埋我見人地迪士尼話只要你問果到啲人問題，佢地就一定會答到你一個你滿意嘅答案，如果佢唔識答就會去問人，直至答到。」

網民抱怨有類似經歷

帖文引發熱烈討論，不少網民都留言抱怨類似經歷，有網民就表示：「畫畫嗰度最近去過幾場個staff都好唔掂，有個男仔又係講嘢串串貢，去得好快小朋友完全跟唔到…」、「唔好講細路，我係大學生都跟唔切」、「畫畫果度都真係一路都好趕，我自己有學畫畫都尚且跟到，未學過/唔太叻畫畫嘅真係未必畫得出嚟」

不過都有網民為職員解畫：「其實做迪士尼好辛苦﹐攰到X都要好開心咁對住啲客，返親工腳痛到XX，個frd做其他部門隻手腫晒」、「就咁聽唔覺得有幾差，有咩唔滿意當場講囉，香港就係有咁多你呢啲投訴L先搞到人壓力大」

資料來源：Dcard網上討論區