追仔 有難度 29歲媽媽連生14個女
廣告
女，全部都係女！很多人說「生仔就好聽，生女就好命」，其實生仔定女根本唔到自己控制(人工例外)，何況都是自己膝下兒女，不用過於計較。而美國德州有位媽媽，連生14位女兒，而14位女兒當中，有三對雙胞胎，這位媽媽引此為傲，坦言會繼續懷孕，希望有一日誕子。
追仔 有難度
居於美國德州的「多女媽媽」伊格拉(Augustina Higuera)，雖然年僅29歲，但已是14位女兒的母親，其中有三對女兒是雙胞胎，這更打破了50萬分之一的機率，她稱一年多前誕下第二對孖女的時候，連醫生都講笑叫伊格拉夫婦去買樂透，因為中樂透的機會比第三次陀孖胎的機會更高，怎料卻真的懷上第三次孖胎！
稱報「多女媽」伊格拉生了14個女，依然未肯放棄，希望有朝一日能生個兒子，她謂：「我哋真係好想要一個仔，我會一直懷孕，直到幫老公生到個仔為止，幸好，我仲幾享受懷孕的感覺，因為生BB時都冇乜大問題，所以對我嚟講壓力不大。」
14名女兒 兩個爸爸
大家都奇怪14名女兒，究竟是否伊格拉跟同一位男士所生，其實伊格拉15歲時，在雙方父母批准並經法例許可下下嫁第一任、當時年僅17歲的丈夫，當時二人誕下四名女兒，可惜最後跟丈夫關係破裂離婚。後認識了喬斯(Jose)並再婚，再婚後先誕下兩名女兒，至2010年迎接首對孖女，其後相繼誕下現年4歲及2歲的女兒，年多前誕下第二對孖女，並在今年8月再誕下第三對孖女，一共14位千金。
期間曾多次避孕想休息下，但結果失敗意外懷孕，曾認為會很大機會生到個仔，可惜未能如願，生了12個到第13、14個都仍然是女兒，但她未有失望，會發奮追到仔為止。
唔靠政府 自食其力
生四個都唔容易養，更何況是14個！伊格拉形容要照顧她們是「混亂得很」，如每天要洗數十次衣服、要為大大小小不同年齡的女兒準備超過八款唔同的餐點，上學只能用小巴才載得晒，而伊格拉每晚只睡數小時。
而他們一家未有依賴政府福利，伊格拉主內，而生計全靠「多女公」喬斯，由他經營園藝生意年中無休去賺錢養活一家，所以伊格拉誓要為老公添個兒子！
全文完
