鄰居半夜鑿牆 康華 為父母急搬屋
廣告
曾被網民封為「黃金剩女」的 康華 現年45歲依舊單身，原因就是為了有更多時間照顧年逾80歲的患病父母。與雙親同住的 康華 最近頻頻四圍走搵屋搬，原來因為樓上單位裝修，直到半夜仍繼續鑿牆，所以為咗父母有覺好瞓，無論租金幾貴都想快啲搵到個合適嘅地方搬，認真孝順。
撰文：Sunday Kiss
圖片來源：微博
現年45歲的康華 自1994年參選香港小姐入行後，一直效力無綫，現今仍然單身，就是為了有更多時間照顧年逾80歲的患病父母。據悉 康華 的母親患有心臟病，而父親則患有眼中風，需要經常做手術治療。而康華作為孝順女，除了聘請工人照顧雙親外，工作以外的時間大部分時間都陪伴在側親力親為照顧父母。
日前雙親同住的 康華 四周頻搵屋搬，原來因為樓上單位裝修，令佢哋嘅生活受到極大影響。康華就話有晚半夜見到廁所天花板燒燶咗，攪到穿窿漏水，天花板有好多電線，一掂水就好容易發生意外。另外，最近凌晨時分仲有啲鑿牆聲，大聲到樓上樓下幾層都聽到，令到父母休息得唔好，唯有即刻搵地方搬。由於父母好多病痛，康華 就話無論租金幾貴都想盡快搵到個合適嘅地方搬，孝順女之名受之無愧。
全文完
關鍵詞
康華
