港人嘆後悔住酒店原因好荒謬！網民話：明明係你唔識用
廣告
五星級酒店，出名服務超好，但香港老大牌君悅酒店（Grand Hyatt Hong Kong），竟都被港人投訴，事人指自己到君悅酒店Staycation的當晚，竟然因為一樣嘢睇唔到，表示「超級後悔今晚入住」而上網作出控訴，卻被網民反指其實是事主本人唔識操作，而無法使用，到底是誰是誰非呢？
港人嘆後悔住君悅酒店原因好荒謬！網民話：明明係你唔識用
講笑咩？連香港老牌五星級酒店——君悅酒店（Grand Hyatt Hong Kong）都被投訴後悔入住？原來該港人入住當日，正巧遇著香港大熱男團Error主持《Error 自肥企画》的大結局，大嘆入住期間無法觀看，真係後悔莫及！
明明該港人附圖可見，入住君悅酒店可以飽覽維港靚景，不過似乎仍然無法安撫苦苦思念Error的心，網民即刻留言安慰，建議「睇住手機先」，或者時候上網睇重播。
當然睇重播遠遠不及睇直播有趣！同樣入住過君悅酒店的網民即刻教路，其實君悅酒店電視可以睇到本地電視台，只不過電視遙控器比較難掌握，要左按右按先睇得到。
知道咁難搞，其實網民都有好建議，就係直接致電前台向酒店職員詢問，酒店就會直接派房務員上房幫你調較。就算唔想睇Error而想改睇Netflix都一樣可以，直接送Apple TV上房，可以隨時煲劇無難度！
有網民提供睇本地電視教學，亦有網民大聲叫囂，質疑事主睇劇口味，大鬧連Error都睇，「真心覺冇料低俗，此風不可長」，仲話睇得多，香港人水平會更加低落。
不過難得去得Staycation就不要多介意別人想法，最緊要盡情放鬆Chill一Chill，把握時間睇睇電視，放鬆身心先係最緊要！
貼文原文
圖片來源：Facebook群組@Staycation HK Hotel - 留港宅度假 本地酒店住宿優惠、GOtrip編輯部、VIU TV、Unsplash@ptrc
