銅鑼灣驚現古怪男子撞樣 「佛地魔」！4大行為嚇途人 網民質疑動機唔簡單

「佛地魔」驚現銅鑼灣街頭 行徑可疑又詭異

昨晚（3/10）有網民在銅鑼灣見到一名穿著古怪的人士，其裝束及逼真的特技化妝與《哈利波特》中的佛地魔，以及《普羅米修斯》中的工程師有幾分相似，令不少網民認為係咪提早過萬聖節，不過他的4大行為令路人睇到心驚！

1.首先佢喺時代廣場門口目光呆滯企定定係度，彷似與人溝通。

2.進入Apple Store睇電子產品，彷彿外星人正在了解人類科技。

3.居然走去搭地鐵，與乘客排排坐，其畫面非常詭異。

4.突然坐喺街頭一角緊閉雙眼，就像進行重大思考。

網民推測「佛地魔」背後動機唔簡單

不少網民認為「佛地魔」背後動機唔簡單，有網民估計其可能與早前美國科幻電影《Jules》的宣傳手法一樣，同樣是派外星人到市區並進行造勢活動。都有網民認為是行為藝術，為香港增加正能量。亦有人搞笑認為「佛地魔」響應香港夜繽紛，打算參與港鐵「搭五送一」的乘車優惠，因此才會在街頭遊蕩。