功課寫「慈」被老師指寫錯字 正確寫法震驚港媽:寫咗幾十年而家先話錯?
廣告
從小到大,由學習寫字開始,老師都會要求大家一筆一劃地慢慢書寫,草字頭應該要寫出分成兩部分的「艹」,分別是4劃並不可再連的。早前就有一名港媽於網上公審兒子的老師,被老師指出於功課簿上寫的「慈祥」是錯的,港媽表示「幾十年嚟都咁寫,錯D咩」,帖文一出引起不少網民的熱烈討論,網民指:「呢個老師係咪要重新考牌」、「一直都係呢個慈喎,邊有人好似佢咁寫」,最後卻有人指出其實2種寫法都沒有錯呢!
兒子功課上寫「慈祥」被指錯 正寫應是草花頭 港媽:我幾十年都係咁樣寫
最近一位港媽在Facebook群組「不願小朋友成為功課奴隸」上分享了孩子的功課。其中慈祥的「慈」字就被老師圈起來,並糾正寫法,要寫成草字頭「艹」。港媽見到後非常疑惑,並於網上問大家正確寫法。
![老師 小朋友功課寫「慈祥」被指錯字。](https://imgs.sundaykiss.com/wp-content/uploads/2023/07/271239301_10159978662240775_2103269320328422496_n_1567161833649c56c6c6982-768x1024_127531105464a3fc4b6c77f-768x1024.jpg)
網民齊聲指無錯 終發現正字原來真係草花頭?
後來不少網民也紛紛表示驚訝,紛紛指責老師,「呢個老師係咪要重新考牌」、「有咩可能錯,我哋呢D大人由細寫到大」、「慈雲山都唔係草花頭,唔通咁多人都錯咩」。不過有網民翻查字典,發現老師教的草字頭是正式的寫法,而常見的「慈」是異體字,「原來我從小到大都寫錯了嗎?」、「我幾十年都寫慈欸。」、「我也和你兒子一樣的寫法」、「其實兩個版本都應該是正確」、「一堆學校、政府設施本身都要改名」、「時常都話異體字唔啱,以前我們學的全錯」、「我住慈雲山咁耐都真係唔知個慈字係草花頭」。
![老師 呢個字真係估佢唔到。示意圖,非當事人)](https://imgs.sundaykiss.com/wp-content/uploads/2023/07/whatsapp-image-2023-07-04-at-7.02.59-pm_94555112764a3fc7b9a2d7-1024x581.jpeg)
圖片來源:FB@不願小朋友成為功課奴隸、ViuTV《反起跑聯盟》截圖