鍾嘉欣分享陀B相 叫網友估BB性別！
廣告
藝人鍾嘉欣今年3月宣布再度有喜，現時佗B已近八個月，不過一直都未公開BB性別。今日，嘉欣bb於個 人社交網上載一張摸住巨肚的相，並留言問大家覺得BB係男仔定女仔，唔少網友就估係個男嬰，唔知大家又點睇呢？
原文：東方新地｜圖片：鍾嘉欣Instagram、新傳媒圖片庫
鍾嘉欣望網友估BB性別
今日，佗B接近八個月的鍾嘉欣於個人社交網上載一張摸住巨肚的相，見到嘉欣bb於肚上畫上代表男嬰的粉藍色心心，及代表女嬰的粉紅色心心，並留言指老公唔想公開BB性別以作驚喜，但係佢等唔切，及想找出真相！仲問網友，BB係男仔定女仔？
鍾嘉欣晒唔見肚靚靚母女裝
而家喺加拿大專心養胎嘅鍾嘉欣，早前分享最新近況，見到嘉欣bb同囡囡Kelly身處公園，仲要齊齊著住白色母女裝，媽咪就望住囡囡，而坐喺BB車嘅Kelly就望望鏡頭，成個畫面十分有愛！另外，坐喺長櫈上嘅嘉欣望落四肢依然纖幼，齋咁望完全唔似懷孕6個月！
鍾嘉欣生埋今胎夠晒數
之前佢由加拿大返港出席活動，被問到肚中BB性別，嘉欣就話雖然已經照咗，不過兩公婆叫醫生唔好講，希望保持驚喜！嘉欣同時透露，無論今胎係仔係女都好，都會係最後一胎，兩個夠晒數！
