鍾欣潼與賴弘國完婚後 前妻隔空發表仇恨論
廣告
上星期，藝人鍾欣潼（阿嬌）與有台灣「醫界王陽明」之稱嘅賴弘國（Michael）喺洛杉機五星級酒店舉行婚禮，令呢段異地戀終能修成正果。近日，就有網民留意到賴弘國前妻，有「空界林依晨」之稱嘅趙筱葳（Ivy）隔空發表仇恨論，被指言詞間似乎另有所指。
撰文：東方新地｜圖片：趙筱葳instagram、英皇娛樂 | 編輯：Sunday Kiss
鍾欣潼出嫁了！
鍾欣潼（阿嬌）與台灣「醫界男神」賴弘國（Michael），上星期於洛杉磯五星級酒店Millennium Biltmore Hotel Los Angeles舉行婚禮，儀式溫馨亦感人！雙方喺父母嘅見證下行禮，期間阿嬌多次喜極而泣，當中包括致詞時、好姊妹兼好拍檔蔡卓妍（阿Sa）擁抱祝賀及亦師亦友的經理人霍汶希（Mani）輕吻阿嬌面頰時，阿嬌仲好激動咁喊！
前妻隔空發表仇恨論
不過，最近有網友就留意到賴弘國前妻趙筱葳（Ivy）喺個人社交網上載咗一段文字：「什（甚）麼是真什（甚）麼是假？哪些是浮雲哪些是永恆？」，言詞間令一眾網友猜疑Ivy，實為另有所指。
影相證明活得比你好
事實上，賴弘國喺2016年與趙筱葳結婚，但二人婚姻只維持僅僅半年就分開。而任職空姐嘅Ivy經常喺社交網上載自己周遊列國同吃喝玩樂嘅相，睇落離婚後嘅生活仍相當愉快。
