45歲鍾麗淇重提與梁榮忠8年情！結婚完成媽媽遺願 罕病女被斷言活不過2歲

45歲鍾麗淇自爆離開TVB原因 重提與梁榮忠8年情

現年45歲的鍾麗淇近日接受由車淑梅主持的港台節目《舊日的足跡》訪問，當年她與梁榮忠拍拖八年，本來感情穩定，不過05年梁榮忠被傳媒揭發與朱慧敏「車震事件」。其後她在08年離開TVB，有指她想避見舊愛，但她在節目中罕有澄清，指自己本來對工作充滿熱誠，但當時流行「飛紙仔」，令她演出時不明白劇情，覺得沒趣，所以才離開公司，與梁榮忠無關。

談到梁榮忠，她很大方，表示跟對方完全無hurt feeling，兩人再見亦是朋友：「生日都會互相WhatsApp ，每樣嘢都係整定，事情發生之後，試過想補救，但其實唔可以勉強，我決定要向前行。我唔會怪佢，亦唔會覺得佢做錯事，呢條係佢嘅路，但選擇就係分開行……咁樣我會覺得舒服啲，我唔知佢嘅感覺，我要行自己嘅路。再見亦是朋友，我當佢係朋友，有乜嘢需要我會盡幫，不過就從未試過。我唔會block咗佢，因為我覺得佢唔係壞人，佢係一個好人。」

延伸閱讀：梁榮忠「世紀渣男」屢背叛女友 朱慧敏都有份? 從被TVB力捧到身敗名裂 近況曝光

結婚完成媽媽遺願

當年鍾麗洪回復單身後，本來對愛情存有恐懼，又認為自己30歲已很老。朋友勸她不要把自己收起來，一年多後，她在蘭桂坊見到中意混血兒Nardone Ruggero，大讚對方老實，其後大家慢慢在一起，已有老夫老妻的感覺：「第一眼我以為佢比我年輕，我未必接受到。朋友搶咗佢嘅身份証嚟睇，佢真係大過我，我哋開始拍拖，佢好幽默、老實，我好信任佢。」其後她在10年嫁給老公，圓了媽媽的遺願：「當時我媽媽已經病重，佢一直都想我結婚生仔，我做到……我結婚斟茶畀佢要倒入胃喉。喺教堂行婚禮，媽媽喺輪椅度觀禮，係好溫馨嘅回憶。」

個幾月之後鍾媽媽與世長辭，在媽媽回魂當晚，她發了一個夢：「佢回魂嗰日我發咗個夢，好清楚記得我同佢坐喺間房，佢坐喺我隔籬，好靚，係病之前健康個樣。佢第一句就話舒服晒。我好想攞個電話畀佢睇Isabella嘅相，但點都搵唔倒，佢攬住我，話：『唔使搵，我知道』…跟住我就起咗身。我好多謝佢畀我嘅信息，佢知道我好需要呢樣嘢。我一直怪責自己無做好做女嘅責任，我只係不斷講唔開心嘅事，令佢唔開心，呢個夢畀我知道佢無責怪我，好錫我。」

大女半歲大證實患罕見病 曾被指活不過兩歲

鍾麗淇於11年誕下愛女Isabella，出世時，與其他BB沒分別，可愛趣緻。

直到六個月大時，Isabella發燒，常會全身抽筋1至2小時，即急忙送入瑪麗醫院ICU，一星期後再發燒抽筋，醫院經兩個月測試後，在她半歲大時終得知患上罕見基因病「四號染色體缺損綜合症」（Wolf-Hirschhorn Syndrome）。她會發展遲緩、手腳無力、需要長期食藥抗腦瘤，醫生診斷後斷言不能走路。

患上「四號染色體缺損綜合症」的小孩全球僅約1,600宗。「四號染色體缺損綜合症」是罕有病，主要基因突變而成，不能預防，幸而現時產檢有得check。Isabella確診初期，鍾麗淇承認自己備受煎熬情緒崩潰，一度收埋自己，停工又不願見朋友，醫生診斷後，斷言活不過兩歲。不過半年後，她很快就為了女兒站起來，還因此成立「BEYOND兒童特殊 需要基金」幫助病童和家庭。

鍾麗淇指Isabella亦確診患上脊柱側彎，因為肌力不足，加上青春期令情況更嚴重。現在Isabella需要用支架輔助，每天會加強肌肉鍛煉，另外會一個星期做兩次脊椎護理、游水等。她分享女兒接受治療的片段，只見Isabella趴在手術椅上，被機器拍打背脊，但沒有被嚇到反抗，表示堅強，被她形容是勇敢的戰士公主：「我哋知道呢件事唔容易，但一定會盡我所能，為Isabella提供最好嘅協助，希望唔需要開刀做入侵性手術。」

希望大女叫一聲「媽媽」公開復康之路

近日，鍾麗淇獲邀在TVB《娛樂新聞台》分享多年來 為女兒的付出。在她積極樂觀的照料，以及努力接受物理治療下，Isabella現已11歲大，她說：「初時做媽咪唔好話家姐嘅情況，就算小朋友正常發展，都好大壓力…初時我無請陪月同姐姐，嗰排都好迷茫，但做母親都係高低高低，但個水平都一直向上…做咗11年媽咪最大嘅感受係快樂」、「我從來無倒數，只追求女兒每日都有少少進步，我已經覺得好開心！」她一直渴望聽到大女叫她一聲媽媽，就算說不清楚，只是一句「唔唔」對她來說已是最好的禮物：「每次我叫佢叫我媽媽，佢都會偷笑。我知道佢明白，只係暫時講唔到，我知道有一日，佢一定會講出嚟。」

她與老公也不曾對此埋怨過，認為命運既定，已接受上天給他們安排的路，二人一直互相扶持，不辭勞苦地照顧女兒，以正面面對。她公開向老公表白：「無佢我相信呢條路會難行幾千倍，我好多謝佢，好愛佢。」她還欣慰兩姊妹感情好好，細女願意照顧家姐，：「我無要求細女一定要照顧家姐，但佢會，太好喇！佢唔會都無問題，我唔會怪佢，唔會畀任何壓力佢。」

全家人抱樂觀心態面對，永不放棄。本來Isabella被指不能走路，但鍾麗淇指女兒能由爺爺扶著前行，慢步向前，臉上展露露微笑：「在女兒的人生歷險中歷盡艱辛，這個奇妙和充滿愛的家庭都給予無盡的支持！向我們的家庭送上敬意和親吻。（Couldn’t ask for a more amazing and loving family that is always there supporting and loving through life’s adventures!! And kudos and kisses to our four legged family for also）」

鍾麗淇沒有因女兒的疾病而感到氣餒，反而繼續積極樂觀的面對女兒的不幸。早前Isabella可以自己拿著扶助鐵架，一步一步走向媽媽。片段中看到Isabella一步一步跟著媽媽走，雖然每一步都是緩慢的，但卻十分堅定。鍾麗淇前方用 「Good job」、「Don’t worry」等說話鼓勵女兒，眼神充滿著希望和愛，最後Isabella也成功走完整個路程。她分享照片時還表示為女兒而驕傲，稱她為「我的戰士公主」，看來身為媽媽的她也為女兒進步而感動。不少網民看到影片也為二人的努力而動容，留言支持鍾麗淇和Isabella：「加油！相信妹妹可以越走越好！」、「孩子加油，媽媽的溫柔給孩子多大的動力」希望她們也能感受到大家的鼓勵。

早前鍾麗淇還帶女兒到馬術學校，讓囡囡嘗試騎馬的滋味，看見Isabella能扶著鐵欄走了幾步，之後再由職員扶住慢慢行。

去年﹐Isabella以靠水的浮力一步一步自己前行，大有進步。

鍾麗淇：我會盡量鋪好條路畀佢 勸人勿戴有色眼鏡

鍾麗淇早前接受訪問時指，Isabella雖然比同齡小孩發展慢，五歲時走路不穩，仍未懂得說話，唱歌也只能依依吖吖，不過她覺得家長對特殊童不應過分緊張：「佢有佢條路，個速度我等佢自己行，我會盡量鋪好條路畀佢。」她希望女兒能融入群體生活，除了讓女兒返特殊學校外，亦有返正常playgroup：「我會多啲帶佢出去，同我啲契女、朋友嘅小朋友一齊游水、參加生日派對，其他小朋友可以走來走去，我咪拖住佢行囉，一方面Isabella可以同人互動，而其他家長同小朋友都能明白到，有需要嘅小朋友，都係一個鍾意玩嘅小朋友。」

特殊童要融入社會，單是忍受別人的歧視目光已不容易，鍾麗淇憑着個人力量，盡力去改變別人對特殊童的睇法：「唔係話要去孤兒院、去特殊學校做義工，但最少當你見到一個家庭有特殊小朋友，唔好用有色眼鏡去望佢，唔好驚，同佢打吓招呼，佢未必答到你，但畀佢知道你係接受佢。」

鍾麗淇：特殊孩子 啟發你成為特別的人

鍾麗淇曾在Instagram上分享了一張圖片，內容是指：「並非有特殊需要的孩子，要由特別的人來照顧。而是一個有特殊需要的孩子，會啟發你成為一個特別的人。」

蝦碌媽媽親手整蛋糕

鍾麗淇曾在家為女兒舉辦生日會，一家六口為Isabella送上暖暖的祝福。鍾麗淇還親手做了一個薄荷朱古力碎布朗尼生日蛋糕，可惜最後蛋糕不能從焗盤拿出，但是用心做出來的蛋糕一樣美味！從Isabella的眼神和笑容也看得出她很喜歡媽媽為她做的一切呢！