開學遲到男生淡定受訪 狂爆金句超搞笑 網民笑到癲：高質訪問

小一生想學習更多新知識

由幼稚園升讀小一的Silas 表示：「想在小學上更多的課、學更多新知識。」

爸爸媽媽也分享了他們的感受：「今天正式第一日上學，很值得紀念。（擔心他在新環境嗎？）少少擔心但亦開心，因為他邁進人生新的一章。」

小六學生：希望飯商煮飯好食啲

部分學生受訪盼望呈分試成績優異，小五學生Curtis 說：「我緊張我的呈分試成績，我期望的呈分試成績可以很好。」至於小六學生Harvey 則是抱著積極的態度：「今日一定要提起精神上學」，還表示期待認識新朋友，不過Harvey其實最希望的是「飯商煮飯好吃點」。

遲了起床要加快腳步趕返學

開學的第一天，部分學生擔心遲到，正急忙加快腳步。一名正趕著返學的學生被截停詢問「遲咗起身」是否透露今天遲了起床，記者再問他「咁而家遲到未呀？」 ，他喘著氣回答「仲未」， 說畢後即馬上繼續向前跑趕返學。

相關新聞：小六學生2字回答「開學見到同學最期待乜嘢？」 網民爆笑：妙問妙答！

中四男生遲到淡定受訪狂爆金句超好笑

而表明遲到的中四學生Andy則顯得相對淡定，他講解自己的看法：

「都係遲架啦，你早入去同遲入去都係遲，咁我不如留多陣。唔使喺度……哇，陽光幾刺眼，唔使喺度受苦」。

網民笑到癲：小朋友真心話講晒出嚟得唔得㗎

對於學生們的對答，引起大批網民熱烈討論，尤其是最後那位遲到同學，「最尾果位同學，識得變通，不過輸經驗，唔應該接受採訪」、「佢應該去到做埋訪問都有乜所謂嘅境界」、「橫掂都遲啲啦，好過係入面曝曬，醒目仔」、「既然遲到，當然係慢慢食個埋早餐先返學啦，定律嚟㗎喎」、「諗法同我當年一樣，我食埋早餐添。」、「啱聽呀，反正都起唔到身，趕頭趕命都係遲，所以我通常瞓到晏晝返去食個晏，轉頭就放學」、「未入門口已經諗晏晝食乜」、「高質訪問」、「最尾嗰個好大膽，怕唔怕秋後算帳？」、「小朋友真心話講晒出嚟得唔得㗎」、「將來職場是醒字派」。

期間，也有人留言表示，「人哋遲到你仲阻住人哋」、「就遲到都要阻人地」。

相關新聞：小六學生2字回答「開學見到同學最期待乜嘢？」 網民爆笑：妙問妙答！