港媽命令讓座予10歲女「關愛座係畀小童坐」 乘客1句反駁遭對方老公報復

女乘客搭港鐵坐普通位 被港媽命讓座予10歲女

近日一名女網民於Facebook專頁「生仔要考牌系列」投稿，講述一次乘搭港鐵被逼讓座的不快經歷。某個星期六，她乘搭港鐵上班，上車後坐在關愛座旁邊的普通位。雖然她因為照顧家中BB嘅關係，導致非常疲憊，但為免自己不小心睡著導致錯過下車時間，她一直按著手機，強逼自己精神起來。

當列車到達尖東站，她就見到一家四口上車。媽媽拖住一個目測10歲的女兒，而講法文的爸爸就推住BB車，載住他們大概五歲的兒子。怎料那位媽媽一上車就拖住女兒指著她，命令她讓座：「呢度係關愛座，唔該你起身畀我個女坐！」她當下一頭霧水，因為她當時正坐著關愛座旁邊的普通位，而非關愛座：「關愛座？佢講緊我隔籬個兩位？」在她思考著對方的說話是甚麼意思時，在她旁邊坐著普通位的女士主動起身，讓座給那對母女。

港媽辯稱成行都是關愛座 與女乘客對鬧

女網民見到母女坐下後，就沒有到理會她們，繼續使用手機。惟對方竟然教女兒成行座位都是關愛座，應該給小朋友坐，而不是大人：「呢度成行都係Priority seats嚟㗎，係For children，not for adults！」 她忍不住說：「其實關愛座只係最側邊嗰兩個，其他嘅都係普通位！」對方依然堅持她們正坐在關愛座，而不是普通位：「呢度成行都係Priority seats，係畀小朋友，唔係畀你坐㗎！」她反駁：「Sorry，呢個真係唔係關愛座。再講，其實任何人有畀錢搭車嘅，都有權去坐每一個位置，唔係剩係畀你個咁大個嘅囡囡！」

港媽老公報復女乘客：讓係人情，唔讓係道理

本身女網民還想繼續教育這對母女，可惜她已經到站要下車，但當我正想下車時，對方老公突然擋住其去路，阻她下車。她下車後愈來愈生氣，覺得那家人不可理喻。她認為關愛座應該給有需要的人坐，即使不讓座，也沒有問題，因為人人有坐的權利：「可能我見識少，真係未見過啲咁野蠻嘅人，仲要係做人父母，咁教啲小朋友。如果關愛座真係只准小朋友坐，咁老、弱、傷殘、孕婦係咪唔使坐？再者，一個人就算外表睇起嚟好健全，但你永遠唔會知道佢係咪有啲乜嘢傷患病痛。讓係人情，唔讓係道理。唔好情緒綁架其他人，無任何人要為你嘅小朋友承擔照顧嘅責任。如果你真係要你小朋友出親街都有位坐嘅，煩請你去Call的士。」

網民感同身受撐女乘客

大部分網民非常認同女網民的說話，指小朋友不是必然可以坐關愛座：「個細路女拎拐杖？或傷殘人士？ 定係咁細個已大肚？」、「其實由細到大呀媽都教落，小朋友要讓位畀人坐….. 況且關愛座邊個圖示係代表小朋友？」網民支持她繼續反駁，再找職員幫忙：「個老公唔畀人落車，畀我就叫其他乘客幫手搵職員處理。呢啲位，畀番啲職員去教育啲奇怪的人罷啦。」、「好可借我唔在場，好想幫你鬧爆佢。」有人表示試過在有需要時被其他乘客強逼讓座：「我大肚8個月坐關愛都被人叫起身，有啲人覺得個位係佢買咗咁。」

資料授權：Facebook專頁「生仔要考牌系列」