陳凱琳弟與父唔似樣 林作賭100萬要求做親子鑑定 媽媽揭姊弟似印巴裔真相

陳凱琳弟Derek與爸爸合照惹爭議 林作賭100萬要求做親子鑑定

陳凱琳弟弟Derek近日在個人社交平台上載肉緊攬實爸爸的合照，相中陳父坐在他大腿上並啜手指，畫面溫馨，他用英文寫道：「你真的長大了很多，很為你感到驕傲呢！」。不過不少網民又再質疑二人是否親生父子，因為爸爸膚色較白，而Derek膚色較深，而且輪廓深像外國人，父子外貌不太似樣，頓時再次成為網友焦點。

十優港姐麥明詩前度林作昨晚（20日）轉發報導，於社交平台發文，揚言願意拿出早前與鍾培生拳賽中得到的100萬，要求Derek與爸爸驗DNA證實是親生父子關係：「本人願意用100萬港幣向Derek Chan not Cheung 發出挑戰：俾（畀）你一條毛俾（畀）我。同埋你老豆（竇）一條毛。如果DNA比照證實你地（哋）係父子，我俾（畀）100萬你。如果唔係，順便比照係咪有印巴血統。順便咋，純八卦，驗到冇嘅我都俾（畀）100萬你。冇他，純碎（粹）之前嗰個Derek（鍾培生）俾（畀）咗我一百萬零用錢冇錠（碇）使。同埋真心好奇及堅信不移。Derek，你願意接受挑戰嗎？」

林作接受傳媒訪問時指自己忍受多年，表示「盲嘅都睇得出」二人不似父子，但多年都沒有人願意公開出來說，所以敢言的他決定站出來。林作在凌晨時份再發文：「唔好再喺度話我多管閒事，我淨係問你兩句：第一，佢地係咪公眾人物，係，就有公眾利益，也必須承受被人指指點點，我都係市民一個。第二，老老實實，想唔想知先？！」

有網民批評林作將兩名無辜的圈外人擺上枱，而且做法揭人隱私：「等間人哋可能係領養，你硬係要揭人傷疤咁就好笑」、「始終係人哋家事，畀條後路人地行吓啦」、「佢家姐係公眾人物，佢弟弟都係咩？而且我好想同你講，今次你真係好過份，係親生唔係親生都好，人哋之前已經回應過，答案真係咁重要咩？你咁樣咁高調玩到咁大，絕對會傷害到人地嘅心靈。」但同時亦有網民支持他：「撐你！其實佢地哋可以選擇低調，但偏要高調日日話自己係百分百中國人同親生，我都睇唔過眼好耐。」

他補充：「其實絕大部份時候我只係講出其他人唔夠膽講嘅嘢。係我願意突破盲腸咋。」、「當你好似我啲朋友咁收到Push Notification嘅時候，不得不佩服林作嘅創意。搞笑、抽水，並沒有什麼過份與不過分，因為這是言論自由。而往往最好笑嘅嘢，係你覺得唔應該笑但係人嘅反應好自然不禁發笑。我嘅職責就係為大家觸碰呢啲taboo禁忌話題，讓大家開懷、釋懷。我都淨係問一句：假設佢地（哋）真係同我玩做基因鑑定，咁你會唔會睇個結果係點啊！你會選擇唔睇！？」

最新發展：陳凱琳用全家福反擊林作 鄭嘉穎一句護妻！林作100萬加碼至500萬求證親生

陳母曾為陳凱琳跟Derek的混血外表解畫

陳凱琳母親陳劉惠嫺亦曾接受香港電台第一台由車淑梅主持的《舊日的足跡》接受訪問，罕有地開腔為子女的混血外表解畫。陳凱琳父母都是華人血統，惟兩姊弟跟大家姐的樣子都相差甚遠，所以陳凱琳每次分享家庭合照都會引起熱烈的討論。

不少網友都談論到陳凱琳跟Derek的樣子都疑似有南亞裔的混血血統，陳母就解釋：「其實 Grace同Derek龍鳳胎出世嗰陣同大家姐一樣非常白淨，但突然喺14、15歲嘅時候眼大咗、臉尖咗，阿仔鬚根多咗，可能我嘅媽媽係馬來西亞人，擁有亞裔嘅容貌，細路又喜歡戶外活動，又或者加拿大嘅食物有好多荷爾蒙啦！」

大女從沒因為外表不及妹妹陳凱琳美貌而自卑

大女陳凱晴（Joyce）曾被傳因為不及妹妹陳凱琳的美貌而自卑，陳母指沒有這回事：「大家姐 Joyce 比較運動型、率性、唔計較，係好柔和嘅人；相反 Grace 3、4 歲開始已經唔著裙就唔肯出街，有一次去海洋公園，佢硬要著裙，否則佢寧願唔 去，結果佢真係選擇留喺屋企。坦白講，Joyce 14、15 歲進入青春期，我真係問過佢『如果有人話妹妹靚過你， 你會唔會唔舒服？』Joyce直說唔會：『佢（Grace）係我妹妹，每個人都靚，只係角度唔同，其他人唔可以用容貌去分裂我哋，否則我會將話題停止。』」她指出陳凱琳非常重視家庭關係，而且亦十分疼愛姐姐，每年姐姐生日陳凱琳都為她親自做生日蛋糕慶祝。

陳母曾因2點對鄭嘉穎沒有好感

另外提及到女婿鄭嘉穎，陳母坦言最初對他並沒有太大的好感，尤其是陳凱琳和鄭嘉穎二人的年齡差距，足足相差23年，而且陳凱琳的演藝事業正在起步中，但陳母則表示由第一次「見家長」時，才對他另眼再看：「我唔認識佢，聽聞佢好花弗，而且年紀都有少少影響，怕佢只係玩玩吓。我初時唔想見佢，因為我驚唔知點面對佢同相處。我真係好驚，好唔開心，唔知點算好，因為呢次係Grace嘅初戀。記得第一次見面，嘉穎好熱情，好有禮貌，講嘢唔會左顧右盼，實話實說，係個誠實嘅好孩子，好值得我尊重。」

好愛這位女婿 給他101分

當陳母知道二人的婚訊後，她大讚女婿超過100分，表示十分滿意，更用一次好的紅酒去形容鄭嘉穎，指女婿不但尊重老人家，閒時就會和她用短訊溝通，完全沒有隔膜：「嘉穎結婚之後，我更加認識佢，佢以家庭為重，重到我要叫佢減啲，唔好咁誇張。佢會神神秘秘買個靚手袋送畀 Grace，仲同Grace講：『唔知點樣去多謝你，我真係好愛你！』嘉穎對媽媽、家人，甚至工人都好恩待，我以為佢係講嘢大聲嘅大男人，原來佢好細心、好窩心、好體貼！我呢個女婿好似紅酒，初試一啖未開透，未飲出味道， 一路飲一路開，味道會變化多端，越來越好，可能以後仲會有另外一個境界！我好愛佢，真係好愛佢，佢好抵錫！我畀佢101 分，嗰一分係上帝額外加上去嘅！」

網民不信陳母解釋表示「越描越黑」

網民不時都就陳凱琳跟Derek外貌展開熱烈討論，陳凱琳曾在Instagram大方回應：「我哋兩個由細到大都被人話我哋似mix」TVB旅遊節目《仨心友行》中，陳凱琳、陳敏之試包頭巾，陳敏之一見陳凱琳包頭就讚：「哎呀你好似結婚呀咁樣！好似印度西施！我成日都覺得你太靚，點算？」再度成為網民熱話。

雖然陳凱琳媽媽已經為子女的混血外表而開腔解畫，但不少網民仍然不相信她的解釋，更表示她「越描越黑」，更表示不如拿出DNA報告作證據。