陳煒獲最受歡迎女角色 捱足22年冇諗過要靠男人
撰文：Sundaykiss｜圖片：新傳媒圖片庫、陳煒IG、微博
陳煒與前夫 曾經恩愛
陳煒是1996年亞洲小姐冠軍，參與多部亞視劇集包括《萬家燈火》、《屋企有個肥大佬》等。自08年商人顏志行結婚後宣布息影，後來12年復出加入無綫。她坦言同前夫離婚，是她12年返港簽約無綫拍劇之後發生：「前夫太專注事業！時間耐咗，我就好似屋企電器咁放埋一邊，咁做朋友好過做夫妻！大家好似家人咁相處，都唔係壞事！」
但係原來呢啲全部只係表面恩愛，煒哥最近受訪時表示，當年結咗婚就跟咗前夫去泰國定居，可惜老公就只顧打理生意，煒哥就日喺屋企煮飯同打理家頭細務，生活像鐘點多過似做人老婆。
煒哥：佢好少掂我
因為前夫只專注於工作，兩夫妻命好少「行埋」，可憐煒哥因為老公「好少掂佢」，令到佢懷疑自己係咪魅力不再，信心盡失。後來老公更主動提出離婚，婚姻失敗令煒哥情緒陷入低潮，更一度要向精神科醫生開解，先可以走出陰霾。
離婚後全靠自已
陳煒同前夫分開之後，冇諗過要靠男人啲錢，一直自己努力打拼。有指，煒哥儲咗4年錢，買入2千萬嘅觀塘新樓盤凱滙，800幾呎3房單位自住。所以話女人都係靠自己好。
煒哥大熱倒灶 最受歡迎電視女角色：陳煒《宮心計2深宮計》
陳煒12年復出加入無綫，拍過《法網狙擊》、《神鎗狙擊》、《果欄中的江湖大嫂》等霸氣角色。陳煒捱足22年，今年終於憑《宮心計2深宮計》飾演太平公主一角喺《萬千星輝頒獎典禮2018》獲得「最受歡迎電視女角色」。煒哥喺聽到自己得到「最受歡迎電視女角色」就已經忍唔住喊，唔知係失望到喊，定係開心到喊呢？早前，煒哥更坦言好恨攞獎！因為獎項除咗係對佢演技嘅肯定之外，亦都可以幫佢重拾自信。
煒哥話自己加入大台嘅時候，就係自己人生最低潮嘅時候，所以好感激大台畀咗咁多機會佢。
煒哥亦都多謝《宮心計2深宮計》監製梅小青，因為佢哋只係第一次合作，但係小青姐都將個咁重要嘅角色交畀佢。
而家攞到獎，就算啲對白好難背，背得好辛苦，都值得啦，煒哥！
