K11陶瓷兔｜近4萬陶瓷兔疑被小童整爛惹質疑 店方查閉路還原真相

店家為宣傳新系列而展示陶瓷藝術品

為了推廣新的首飾系列，該首飾店特別邀請了一位本地女陶藝家創作了這件以兔子為主題的陶瓷藝術品。雕塑被放置在店內一個容易被顧客注意到的位置，旁邊有標示提醒「小心台階」和「請勿觸摸，如有損壞照價賠償」，但未設置任何圍欄或保護措施。

店方發佈陶瓷兔最新圖片及影片 狀況慘烈

昨日（2日），店方「Love by the Moon」在帖子中宣稱，「K11 MUSEA 門市的小兔子小淇被人整爛了」。儘管店方強調將由陶藝家進行修復，但從照片中可以看到「小淇」的雙腳完全被「弄斷」，情況相當嚴重。

除了兩張照片外，店方還上傳了店內的閉路電視影片。畫面顯示當時有兩名穿著相同服裝的小孩靠近兔子並進行玩耍，期間有觸摸動作，隨後一名男子觸碰了「兔耳」並移動了雕塑，看起來似乎有所察覺，隨即要求兩名小孩離開。該男子隨後放下「小淇」，然後離開。在這過程中，還有一位穿著白衫的男子用手機拍攝了這三人的行為，但不清楚他們是否是同行。

陶藝家在社交平台上宣稱已報警，但目前尚未找到涉事者。

網民質疑店方：40k咁樣放？

店方在社交媒體上發佈了這一消息後，許多網民將此事件與2022年5月發生的「天線得得B公仔事件」（又稱「挨跌五萬事件」）相提並論，並對店家未能妥善保護藝術品提出質疑：

「咁放法成個trap （陷阱）咁。。。」、「其實算唔算另類碰瓷黨？先唔好講啲細路衰多手 本身你舊嘢都唔見得好穩陣」、「就咁放喺地下，仲要喺個飾櫃前面，唔好話小朋友，大人行去飾櫃睇嘢都可能唔小心撞到，值錢容易打爛嘅嘢就唔好擺路中間啦，好彩啲碎片冇整親小朋友」、「唔係好明，40k咁樣放？同埋點整爛？我見小朋友掂一掂，好似未跌落地就爛咗咁，好似好兒戲。」、「其實都唔係小數目 又有天線得得b嘅前車之鑑 點解仲係無圍欄無玻璃罩就咁擺喺度？」、「其實應該用個玻璃箱抓住會好好多！人嘅自然本能反應就會攞啲嘢嚟睇，既然咁貴重嘅嘢應該小心儲存。另外家長亦都要教到小朋友眼看手勿動！」、「雖然個家長冇睇實細路係賤, 但睇隻兔腳咁爛法好明顯Supporting唔夠,又唔整圍欄,我係個細路扮傷入院告番間舖轉頭,到時邊個賠多D都未知」。

網民：家長要負責任！

此外，許多人也對涉事的成年男子和小孩的行為表示不滿，強調家長應該對孩子的行為負責：

「家長自己唔睇住個細路，我打爛嘢就緊係要賠㗎啦 放櫃上面未一樣小朋友爬上去整爛，管教唔好就想搬句『他只是個孩子』了事。」、「人哋寫明38000仲走去摸」、「出街要睇住小朋友，係嘢都攪，家長要負責任」、「其實眼看手勿動真係咁難咩?幼稚園都有教啦」、「啲父母帶小朋友行商場仲衰過放狗，帶都冇條，由得小朋友亂撞亂走亂摸」、「店舖從來都唔suppose要圍欄去保護展品㗎啦，因為唔suppose會有人掂㗎嘛，乜都要圍欄保護嘅話就唔好展覽啦，人哋已經白紙黑字標示註明，整爛係家長教導無方嘅責任，唔睇住啲小朋友手多多，要賠怪得邊個？」