陸永IG留言冧爆老婆 結婚七年依舊甜蜜
廣告
農夫成員陸永及C君在新一輯的《Do姐有問題》中又放笑彈，獲得觀眾力撐。陸永與老婆Reina結婚7年，婚後育有一對可愛囡囡，感情依然好甜蜜。兩人不時在社交平台打情罵俏趁機放閃，而口才了得、轉數又快的陸永經常用高招「冧老婆」，近日兩夫婦又再互動放閃！
撰文：Sunday Kiss
圖片：陸永、Reina@IG
陸永IG留言冧爆老婆 七年婚姻保持甜蜜
陸永近年多得Do姐提攜人氣急升，拍劇、拍戲、主持、廣告瓣瓣掂。佢同時係娛樂圈出名的愛妻號，與老婆Reina婚前婚後都非常恩愛，仲生咗一對好可愛的囡囡Hannah同Simsim，不時在網上晒家庭樂，幸福滿瀉！
無厘頭夫妻相處之道
近日，陸永老婆Reina上載咗一張陸永同囡囡Hannah的合照，她留言：「如果我仲有能力抱得起Hannah嘅話… 影相嗰個點會係我？ #駛唔駛咁嗲 #駛唔駛咁冧」似乎Reina今次有小小呷囡囡醋喔！
愛妻號陸生當然九秒九留言冧老婆，佢留言話：「如果hannah有能力影張靚相，呢張相我抱住嗰個點會係佢？ @missussix」一句話就已經實力高招冧掂老婆喇～
結婚七年 甜蜜依然
陸永同老婆Reina兩夫婦亦不時互動放閃，老婆買早餐接收工、老公接機、老公出差…真係Sweet到震！
