雷頌德移英4年同老婆剪情侶頭 做好繼父親自設計大宅 陪妻抗癌成功恩愛15年

居英4年同老婆剪情侶頭生活寫意

英國疫情未緩和，各行各業照常營業，Mark與Jade去髮型屋剪頭髮，Jade更狠心剪短變男仔頭，形容是情侶頭，好恩愛：「情侶裝見得多，有冇見過情侶頭呢？今次應該做到了。感謝我們的髮型師Viann咁有心機幫我哋剪，尤其是我個頭，逐少剪，剪咗好耐。I love it。」昨日二人更玩騎馬，生活勁寫意。

為仔移居英國 雷頌德親自設計豪華大屋

由於小朋友要到英國讀書，所以廿四孝父母Mark、Jade於18年舉家搬到英國定居。Mark作曲了得人人都知，但原來他連設計方面都好有天分。以前他在於倫敦帝國學院修讀土木工程，曾從事室內設計工作，所以連英國大屋也親自操刀設計，以「寒舍」來命名，更標名「Mark Lui Design Works latest interior design project,my own modest home」。大屋又大又豪華，以現代設計配以復古式的傢俬，風格既時尚又典雅，一眾歌星藝人好似楊千嬅、方力申同陳茵媺等都讚好，就連網民都話想搬入去住。

1. 大廳

綠色梳化配淺灰色牆身，火爐上放了一幅電車黑白照，非常型格。

2. Sun House

3.走廊

3. 小型錄音室及衣帽間

要設計間屋當然要設計自己的小天地，Mark就為自己整間小型錄音室，掛滿電子結他同音樂器材，而旁邊就是他的衣帽間。

4.廚房及飯廳

Mark老婆Jade一向熱愛下廚，作為老公當然要落足心機去設計。Jade更公開大讚老公了解其所需，將廚房設計得好好。

5.廁所及浴室

廁所就運用好創眼的紅色牆身配白色牆磚，更以復古款式嘅配件點綴；而浴室則用海軍藍牆身配白色牆磚。

6. 小花園

大宅又點少得小花園呢，而這個小花園就由太太Jade親自負責，落手落腳自己整。

緣份始於片場雷頌德愛屋及烏 不介意做繼父

音樂創作人雷頌德同老婆Jade因拍劇認識，發現大家共通點頗多：一樣於外國生活、一樣內向、一樣喜歡踏電單車，而價值觀亦很相似。惟當時他們各有伴侶，未有發展機會。相隔多年後，大家同時單身，便自然地走在一起，交往三年後便決定共偕連理。婚後，他們育有三個小朋友，分別是13歲的雷鳴Jack同10歲的雷響Jazz，以及Jade與前夫之前所生的大仔Sean。

愛子深切的Jade直言如果當時如果Mark不接受Sean，或不疼愛他，她一定不會跟他結婚。由於Mark的媽媽同樣是再婚，所以Mark非常理解Jade的想法，講到明：「唔緊要！Sean返嚟啦！佢老竇唔養佢，我養佢！」，令Jade認定對方是終身伴侶。在求婚前，Mark先向Sean預告婚訊，並得到他的真誠祝福才行動。Jade在訪問中指Mark向來視自己為Sean的朋友，而非繼父，這種相處模式亦令二人關係非常要好。

二仔患亞氏保加症 Mark：長大會變好

Mark的二仔雷鳴Jack升小一時，老師發覺他不合群，社交有障礙，建議他看醫生，確診患有亞氏保加症，被視為「聰明版自閉症」一種。亞氏保加症即是智力和語言發展正常，只是社交能力較弱。他坦言起初有擔心，有買書參考，尋找名醫治療，但沒有起色。

Mark與朋友交流後，放下了擔子，決定讓兒子自然成長。相信隨着他年齡漸長，社交能力會有改善。作為父母，最重要有耐性與兒子溝通，Jack性格沉默、不擅表達，卻有無窮創意，愛畫連環圖表達故事，啟發了Mark與Jack利用畫筆，繪出兩人的溝通橋樑。「得知有呢個症後，慢慢觀察其他人，有好多朋友原來細個都自閉，甚至係嚴重自閉症，我哋好少聽到大人自閉，我諗愈成長，愈學識到點同人相處，所以我依家唔係咁擔心。」

陪妻抗癌成功 恩愛14年全靠耍花槍

在大仔確診患病的同時，Jade又突然確診患有癌症。Mark媽媽是因為患癌離世，所以一聽到這個噩耗時非常害怕。Jade也很害怕，但她不是擔心自己病情，而是怕出事後餘下Mark一人照顧三個小朋友會撐不住。好彩事過境遷，在Mark陪伴，以及鄭秀文的支持下，Jade終於抗癌成功，兩夫妻也在這經歷中有了宗教信仰。

結婚多年，雷氏伉儷仍然很恩愛，經常夫妻檔出席品牌活動。Mark曾在訪問中直認當年被Jade的出眾外表吸引，而Jade更說Mark是不能不嫁的好老公。Jade從來不求名氣，名模出身的她其實一直視開烹飪班為夢想。不過Jade以家庭為先，不會急於圓夢。她曾於節目中向師傅偷師，為老公學整砵仔糕。她更透露兒子從來對自己的廚藝只有讚賞，沒有批評，每次都把媽媽的製成品吃清光。原來再甜的甜品，都不及雷氏家庭生活甜。

二人享受平平淡淡的愛，他們認為只要愛著大家，就不需刻意製造浪漫。不過夫妻關係並無完美，他們亦會因雞毛蒜皮而吵架。Mark表示自己不愛吃朱古力，但老婆卻經常整兒子最愛的朱古力甜品，萬事以兒子為先。對於老公的微言，Jade笑說耍花槍正是他們的「相處之道」。