靚媽陳敏之FB自爆 過「爆喊塞乳」生日

撰文：Sunday Kiss

圖片：Facebook、微博

敏之在去年冬至晚上，在老公陪同下到跑馬地養和醫院開刀生B，十多小時後宣布誕下7磅11重B仔，母子平安！另外由於B仔是在冬至出生，所以她搞笑地為兒子改名為「雷冬至」。不過冬至當然唔係真名，真名其實叫雷子樂，敏之解釋呢個名字：「希望我們的兒子快快樂樂！」相信亦係為人父母者最大的期望！

久未露面的敏之日前在Facebook開live，跟大家分享湊B樂趣，不少網民都留話問點解敏之生完B後好似比以前更明豔照人，佢笑說因為生完BB開心咗，另外又透露自己餵緊人奶，所以要飲雞精幫助通奶，連探佢的朋友都係買雞精俾佢做禮物！

同時有不少網民跟敏之講生日快樂，敏之坦言今個生日十分難忘，因為係一個「爆喊塞乳」生日！原來早前一班朋友到敏之家玩，敏之只顧傾偈遲了去揼奶，於是乳腺塞咗啲奶谷住谷住，痛到佢眼淚直流！幸好有飲雞精及陪月姐姐幫手按摩先通番乳腺。