八號波搭的士被多收5百蚊附加費 總金額曝光 乘客：差啲要瞓街

30分鐘車程收費$683

收據清楚顯示18公里的車程大約為30分鐘（22:52起錶至23:23停錶），原本為$183.6的車資，因司機多收了$500「附加費」而飆升至$683.6。有網民問司機為何「咁蠢留證據畀妳嘅？」

樓主則解釋：「我一上車講明話我要單，我要claim錢，可能佢都冇諗咁多，因為佢知我係直接call車公司返屋企」

網民：好過去搶！

許多網民對於的士司機的收費行為表示強烈不滿，紛紛留言批評：「加五百真係好過去搶」、「乜嘢附加費要$500」。然而，也有部分人認為在惡劣天氣下，高額附加費是可以接受的，「在特殊惡劣天氣底下，我認為可以接受」、「已掛8號風球幾粒鐘，的士保險已失效，司機冒高風險載客，自然以高附加費補償，情理之中，願者付款」

法律規定與士收費

關於的士在8號風球下是否合法收取附加費，根據《道路交通(公共服務車輛)規例》(第374D章)第47(2)條，任何的士之登記車主或司機所收取之的士租用費，不得超過《道路交通(公共服務車輛)規例》(第374D章)附表5指明的適當收費率，而附表5沒有列明在8號颱風訊號或黑色暴雨警告懸掛時可收取額外的費用，因此，收取額外費用可能違反條例，一經定罪，可處罰款10,000元及監禁6個月。