港女調低飛機椅背瞓覺 遭後座港人拍打辱罵爆喊 網民唔撐：本身都企喺你嗰邊

港女搭凌晨機調低椅背睡覺 遭後座港人拍打辱罵

近日，就有港女在Threads上載帖文分享自己在飛機上的經歷，當中講到自己乘坐由聖彼得堡飛往杜拜凌晨客機，起飛後她打算調低椅背準備休息，在用餐時候事主表示後座的香港人無禮要求她調高椅背，而事主亦有馬上調整：「我完全明白會冇位食嘢，所以都即刻做」

用餐完畢後，事主打算調低椅背繼續休息，調整之前已經確定後方的港人同樣用餐完畢，於是事主就問到：「可唔可以調低椅背瞓覺」，不過對方就表示「可以，但最好不行」，會妨礙他看電視，令事主忍不住強調「呢個係我嘅權利嚟」

結果對方隨即破口大罵，令事主不得不請請求空姐介入，而空姐表示不同詢問對方的意見亦可以這樣做，並為事主調整座位。

港女不堪騷擾請求空姐介入 被安排到其他座位

調低椅背後，事主不僅遭到後座乘客的言語攻擊，其椅背更不斷被拍打「令我瞓唔到之餘，撞到我條頸」在多次遭受騷擾後，事主不得不再次請求空姐介入，最後被安排到其他座位，但這整個過程讓她感到非常不快：「無諗過喺《東張西望》睇過類似嘅事件，會發生喺自己身上。原來都幾委屈，對方仲要都係香港人嚟」。

網民反應兩極：「放低椅背瞓覺好自私」VS「機位設計太窄」

而事件引來不少網民討論，大家的反應兩極，有人認為事主好自私：「我都有試過坐喺後排，前面嗰個放低椅背瞓覺，成個行程好好逼，令我好辛苦。咁自私嘅行為，有冇考慮過別人的感受」、「經濟位，如果調後，後面會夾住窄到郁都郁唔到，調後訓覺？咁過份都話好委屈唔知錯咩？」、「真係試過前面調後，我連想轉身都轉唔到，更加唔好講我想起身去廁所係出唔到去既…真心會躁到想打人」、「妳有權調低椅背，後面嗰位都有權篤電視機」

不過亦有網民認為事主冇錯，甚至認為是航空公司的問題：「其實點解要問後邊，根本你就有權利可以調低」、「自從疫情之後，啲座椅重新排過位，而家啲位好迫」、「其實將所有經濟位椅背，設定為冇得調教嘅咁就冇交嗌啦」、「其實機位真係設計太窄，同港樓一樣⋯⋯我只係176已經覺得腳好辛苦，坐商務又貴到爆」

有人唔撐女事主：本身都企喺你嗰邊

又有網民直指「本身都企喺你（涉事港女）嗰邊」，「但自拍喊成件事即刻onX咗」，事主反駁表示「自拍都唔可以？呢個係我個threads account，post咩內容點解要得到大家同意？唔鍾意見到我個樣可以唔睇，謝謝」。