飲食界KOL慨嘆茶記竟然唔知「茶走」係乜！伙記反應震驚網民：真係好悲

茶記叫「茶走」無落煉奶　伙記一舉動嚇壞飲食界KOL：已經唔止一次係咁

飲食界KOL KC的Facebook專頁 —— KC飲食天地坐擁7萬粉絲，近日他出Post指自己不止一次遇到茶記點「茶走」但無煉奶的事件發生。他稱「 叫茶走，來的時候係無加煉奶的」，跟他自己本人的習慣，通常奶茶端上枱後，都會拿一個杯倒起杯茶，發現無煉奶時即跟茶記反映「伙記，無落煉奶喎」，豈料伙記第一時間並非「換過杯」，而是「拿拿臨攞支煉奶來，當住我面前落」。

KC指自己「無咁好氣」，即時叫他快點再重新沖一杯出來。但令他最震驚的是另一次同樣「茶走無煉奶」經歷，當時他向伙記稱無落煉奶時，對方竟然反問：「咩有煉奶嘅咩？」，相當經典。他慨嘆指「要港人多啲留港消費，首先要做好自己先」。

網民：試過畀伙記問茶走要熱定凍

茶記不懂何為「茶走」的事，令一眾港人驚訝，指「而家連香港特色都逐漸無埋」，認為「最後講出重點,服務質素每況愈下」。而有不少網民更分享類似經歷，指「我近排畀個阿姐問， 茶走要凍定要熱」、「幾年前大陸茶走已經有凍，嗰陣聽到O L晒，你睇我哋幾落後」、「試過叫茶走個侍應問我你想走咩嘢，我答走糖，佢答奶茶自己落糖」；除了奶茶，有網民指其他更離奇的問題都遇過，指「我試過阿姐問我紅豆冰係咪要凍」、「阿姐，熱果啲叫紅豆沙喎」、「我都試過畀人問鮮橙汁要凍定熱，我答佢真係未試過熱橙汁，呢度係唔係有」、「我好日都唔去茶餐廳食嘢，我要杯鴛鴦走，伙記話「冇」，係乜嘢嚟」。

網民：而家好多茶記阿姐都唔識！

雖然以上的離奇事件引人發笑，但同時亦令港人大為失望，指「唔好話茶走啦，而家啲人連杏霜、滾水蛋都未必知」、「多咗茶記用QR code點餐，根本無以上選項」、「加面扣底變咗外星語言」、「我都鐘意茶走，疫情前叫茶走無問題，會唔會疫情走咗好多老伙計，青黃不接技術斷層」、「呢家做服務嘅好多都唔係地道香港人，做得差唔出奇」、「連茶走都唔識，學咩人開茶餐廳，學咩人做企堂？ 叫條X頭返走大陸啦！」、「而家好多茶記阿姐都唔識呢啲術語」。

不過亦有網民反駁，指「身為90後，我真係而家先知咩叫茶走」、「老老實實，我香港土生土長四十幾歲人真係唔知茶走係走啲乜，我身邊人亦冇呢啲特別喜好，唔知有乜咁出奇！」、「茶走個名的確係有少少誤導，老一輩伙記當然知係乜，但係新入行後生仔或者新移民阿姨搞錯一啲唔出奇」。其實「茶走」，指的是在奶茶中加煉奶來取代糖和淡奶。

「茶走」、「鴦走」真正意思

「茶走」加了煉奶，喝起來還是甜的，而奶味會偏重一些；而「鴦走」是指將淡奶改用為煉奶，同樣因為煉奶本身有甜味，所以不需要再加糖；而「飛沙走奶」，即是齋啡。