養兒防老是窮人心態？ 網民：只為老有所依

撰文：Kamen | 圖片：電影截圖

養兒防老是窮人心態？ 網民：只為老有所依

有網友於討論區問是不是越窮的人越相信養兒防老，所以生很多胎作「防老」之用途。對此，網民持有不同意見，有網民認為養兒防老主要原因是希望老有所依，老年的時候能夠有兒女陪伴自己，亦有網民認為養兒防老的心態非常自私。網民指有家長要求仔女給自己三分二人工作為家用，美其名為仔女「儲錢」，但當仔女需要時亦不會「讓步」。

有網民認為供養父母是仔女責任 認為養兒防老沒有錯

網民1：我其實唔明，希望/寄望仔女有乜錯？就算我有積蓄養到我自己過世，要求仔女付家用養我唔啱咩？一對老人家使得幾多錢？我覺得呢個寄望都係對仔女的一種正面嘅祝福，始終有足夠能力才可以財力、心力上照顧到其他人，我仔女做到，即係代表佢地能力足夠。我自己儲嘅錢係帶唔到落棺材，但好仔不論爺田地，我仔女有出息嘅就唔好理我自己嘅錢使係邊度。總之，供養父母呢個責任走唔甩

網民2：從小要教長大後要照顧父母，給家用。這是身為仔女的基本義務，是對家庭的責任。只照顧自己的小家而不理父母，難道不是自私嗎。當然，如果正常使費連自己的小家都養不起，父母也不應逼迫。這是能力和義務的問題，不是MPF。但我絕對不會教阿囡以後顧掂自己就得。

網民認為草根階層和中產階層對養兒防老有不同看法

網民3：個人意見：中產父母普遍學歷較高，思考會比較長遠，做事會比較深思熟慮。同埋退休前，會儲蓄或投資，仔女負擔少d。草根父母普遍學歷較低，思考未必太長遠，比較缺乏前瞻性
唔懂投資，儲蓄不多，可能要求仔女比大份家用。身邊既人，窮：生5個仔女；中產唔生，生就最多2個仔女。

亦有網民認為養兒防老的心態很自私 如把仔女當作搖錢樹

網民4：養兒防老係非常自私既想法，如一心諗住仔女大左要反養既話，不如用來養自己睇下養唔養到過世。不過咁，仔女都有權拒絕養返佢地既。

網民5：我嗰陣都係變左搖錢樹，返工搵錢全部攞晒，我自己就做黎唔知為乜，好似生我出黎就係為左搵錢養佢呢一日，所以我係好討厭呢d思想，我生幾個小朋友都從冇諗過第日佢地要養我，生佢地係我責任，唔係因為為左某d利益先生佢地。

有網民表示有家長要求三分二人工作家用 要求過份

網民6：以前啲父母冇乜付出例如興趣班嗰啲 ,淨係畀一日三餐 ,係完全冇零用錢, 好似我哋呢啲住公屋 ，基層得冇得再基層嗰啲，冇新衫著、 冇玩具玩 ，成日執表姐啲二手衫，出嚟做嘢要畀三分二人工都痴線嘅 ，月頭就笑容滿面問你攞家用，一畀咗塊面就黑到月尾