港人搭廉航自備食物被嘲寒酸 即列5點自辯 結局竟有神反轉

港人搭廉航自備食物 網民不理解

近日就有網民在Facebook群組「HK Express 香港快運及旅行資訊關注組（討論/分享/苦主投稿）」對此事件表達看法，當中寫道：「點解港豬坐UO嗰陣咁鐘意偷偷地食自帶食物？」，令不少網民列五大原因反擊，力證自己的做法沒有問題。

1）自備食物沒有影響任何人

自備食物並未沒有帶來不便，根本就不會影響到其他人，因此不認為這是個問題：「真心問，如果唔影響到人，有乜問題？」、「點解坐廉航就唔可以帶嘢食上去食」、「喺唔影響飛機安全飛行同其他乘客條件下，點解架飛機有權唔俾我食嘢？」、「初生嬰兒自帶奶粉進食又算唔算？如果初生嬰兒允許進食，咁成人點解唔可以？」

2）囊中羞澀

有網民自嘲搭廉航的背後最大原因就有沒有錢，因此大家為了慳到盡，連飛機餐的錢都節省：「我想㗎？！你唔問下自己點解要座UO？係愛定責任呀？係大家都係窮呀！」

3）香港快運的飛機餐唔吸引！

網民反指係航空公司的問題：「UO係咪有晒滿足乘客飲食要求嘅餐飲提供，例如純素主義乘客、伊斯蘭教徒、佛教徒、老人家、長期病患者，如果以上人士肚餓，又提供唔到適合餐飲，又唔可以自己帶食物，咁點先？」、「因為飛機冇呢啲嘢食提供囉」、「啲野唔啱食囉！」

4）飛行時間太長 難以忍耐飢餓感覺

網民指出短於3小時的飛行旅程是不會帶食物上機，不過飛行時間太長，因為難以忍受飢餓感，所以會自備食物：「如果唔係飛太長時間，我都唔會帶」、「即使上機前食，都可能因航班滯留而超過6小時，咁點算」

5）廉航的飛機餐難以訂購

有人表示會購買香港快運的飛機餐，不過由於難以訂購，因此都會提前準備食物，做好準備：「有時太遲，佢online冇得訂，in flight好多時咩都賣晒。，所以先自己買定上機食… 如果唔係四個鐘，我都盡力跟足佢地嘅規矩。」

香港快運官網明確列出：旅客不得在機艙內進食外帶食物及飲料

不過不少人難以接受上述理由，原因有二。首先是衛生問題，雖然自備食物上飛機，當下並不會影響其他人，但係有機會留下食物殘渣，隨後的清潔就會麻煩到機組人員，其次最大的原因是，香港快運載航空於官網中的常見問題 （餐飲服務）明確列出：「旅客不得在機艙內進食外帶食物及飲料」，就算空姐有冇阻止乘客的行為，大家都應該主動遵守規則，令不少網民恍然大悟：「原來唔食得嘢！」、「我之前仲有買麥當勞上去食！」、「原來一直都錯的好離譜！」