廁所「著裙公仔」標誌不一定等於女廁？香港商場奇怪LOGO玩殘男人

Jan 10 2024

洗手間的標誌，一般都是用藍色或紅色以作區分，不過近期就有一些更新的廁所LOGO，有港人發現「公仔紅色」或「公仔著裙」都未必等同女廁，令人看得十分混亂，更有男士表示「自從上次喺男廁廁格有女人行出嚟，我去廁所都好警剔」。日前而Facebook專頁「良心裝修佬」上載一張照片引來網民熱烈討論，指出香港就有一個商場正正有這個問題，令不少男士人有三急時表示十分困惑，指「到底邊個先係男廁」？

公仔著裙≠係女廁？　香港商場奇怪標誌玩殘男士：有無同理心㗎？

Facebook專頁「良心裝修佬」最近貼出一張照片，照片中可見一商場內的指示牌，分別有「女廁公仔、育嬰室、停車場、電梯、女廁公仔及傷殘人士洗手間標誌」。帖文中指，「自從上次喺男廁廁格有女人行出嚟，我去廁所都好警剔，但呢度想點，兩邊公仔都著裙，有無諗過急嘅男人睇到呢塊牌係幾絕望？有無同理心㗎？」

網民揭真相：黃埔呢個商場男廁喺另一邊！

而圖中的相片，有人認出是黃埔花園2期的商場，而網民指「無論左定右，兩邊都係女廁，而男廁係喺Donki旁邊！」，有曾到訪商場的人就指「真係畀佢玩死」，指自己都曾經「瀨嘢」，留言指「呢個商場喺我屋企附近，男廁個牌只係廁所門口，冇其他地方」、「黃埔呢個女廁logo 真心難睇，唔行到埋去睇都睇唔明」、「呢層唔係無男廁，係收埋喺近Donki入口的暗位，上個禮拜人有三急搵咗成個圈先見到」、「急嗰下睇到會好灰」、「呢層係得女廁&女廁&男廁，樓上嗰層係女廁&男廁，比例3：2」。而網民指，雖然路牌上只有著裙公仔的標誌，但並不代表全部是女廁！事關其中一個圖案是無障礙廁所標誌，無分男女，所以男性急起上來都可使用。

廁所香港商場古怪標誌示意圖，非當事人） — （示意圖，非當事人）（圖片來源：TVB《男親女愛》劇照）

港人：真係畀商場玩殘！

圖片引來熱議，有網民大表認同，指現時商場的洗手間標誌令人十分混亂，專程「玩殘男人」。因以往慣常都是「左男廁，右女廁」，認為公仔會否印錯。有網民留言分享指「我試過遠遠哋見藍色公仔，衝埋去先知係女廁，而男廁竟然用紅色公仔」、「我試過急到就瀨，求其入個廁所有門就推，入到廁格屙完出黎先發現係女廁，男廁未必有尿兜㗎都」、「就算去傷殘人士廁所都好，有啲傷殘人士廁所喺男/女廁入邊，我衝咗入去先知，而且好急，所以都係去咗先講」、「試過去女廁見到有小朋友尿兜，起初以為自己入錯咗男廁，但又見到有女人行出嚟洗手」、「試過有一次想去廁所，個牌明明係男廁但有幾個師奶照樣行過去，搞到我都唔知到或係咩廁所」、「真心，有啲商場男女廁公仔，真係好難分，要諗一陣先分到，不如整得簡單啲啦，越複雜越易攪錯」、「有啲商場懶有藝術感，以為咁樣叫時尚」、「好哋哋用中英文咪得」。