香港航空乘客不滿商務艙得雞尾包食 網民踢爆寒酸背後另有內情！？
廣告
講起機票，大家都會知道經濟艙會比商務艙便宜不少，不過一分錢一分貨，坐得商務艙都希望獲得良好的服務。近日，就有港人分享乘坐香港航空商務艙的體驗，當中不滿商務艙的膳食居然是雞尾包一個！帖文引起不少網民討論，大家紛紛反鬧事主：「貪得無厭！」
港客投訴香港航空商務艙得雞尾包食！
近日，Facebook群組「航空膳食藝術坊 Art Home of Aviation Catering」有網民出帖文吐苦水表示：「香港航空HX 611，NRT-HKG，13 Dec 2023，商務艙膳食——雞尾包一個，價格大約每人$15162 HKD」詳細有簡短的文字引起熱烈討論，但網民居然不是可憐樓主，為對方抱不平，而是大鬧：「貪得無厭！」
網民踢爆寒酸真相：免費升商務艙，唔代表飛機餐都會升級！
有精明的網民指出事主應該是經濟艙的乘客，不過就幸運獲得升級到商務艙的機會，因此網民表示：「免費升級個位，唔代表飛機餐都會升級！」據知情人士透露，香港航空的來程及回程飛機餐，在香港出發前已經準備好，所以飛機餐的數量應該是「剛剛好」，因此解釋：「臨時被upgrade的乘客，甚至乎只係因為經濟艙座滿而被邀請坐商務艙，只可以享用經濟艙的餐飲，除咗個餐之外，佢哋依然會當你J客咁serve, 有嘢飲」除非有商務艙的乘客沒有出席。
而網民紛紛留言說到：「upgrade埋個餐係人情，冇餐食同食返Y（經濟）餐係道理」、「上咗機先upgrade 就更加大機會食返Y餐啦！」、「如果我俾正價坐J ，個位一樣，食嘅嘢又一樣，大家平起平坐⋯⋯咁我點解要俾錢買J？」、「點解俾free upgrade你仲要抵毀人呀。」、「你真係好肉酸，仲要標埋票價想表達乜？」
圖片來源：香港航空官網、TVB《衝上雲霄II》截圖、Facebook@航空膳食藝術坊 Art Home of Aviation Catering資料或影片來源：原文刊於Gotrip
