馬鞍山「神秘地帶」淪為私人娛樂場 人妻：一晚輸成十萬都試過！

馬鞍山後山淪為私人娛樂場　神秘地方生人勿近：理唔到㗎啦

有住在馬鞍山利安邨的街坊指，後山一帶長期有一大班人「睇水」，事關內裡有人經營非法檔口，專門用石仔「mark數」玩13張。住在樓上的伯伯指自己眼見此情況已3-4年，「佢哋好準時，每日11點就開始玩，玩到凌晨4點都有，無嘈到人，但就輪流玩」。

而他們「玩」的地方，其實都掛滿「禁止聚賭」的Banner，但無人理會。而街坊指「警察捉都捉唔完㗎，警察未到佢哋就散場，有人睇水㗎，就算佢哋頭頂有2個房署攝影機，都當透明，根本都無人可以管」。街坊更指，警方曾在該處進行搜索，但「呢班人一早收埋晒」，結果沒有任何收穫。

現場提供生果給「玩家」食用　以石仔取代現金記數

節目組嘗試靠近「主場」，但有街坊提醒「佢哋成棚人好勁㗎，唔好理，會比人打」，而對方危機意識確實相當高，一看到陌生人靠近就會通風報信，非常有組織，現場更眼見一個個紅色膠袋載住不同生果，提供給現場玩家食用。而節目組更拍到他們手上拿著啤牌，更用石仔「Mark數」，避用現金交易。

人妻：我老公偷錢都要去

有人妻更向他們透露，自己老公「成日去玩」，十多年來即使在家偷錢都要去玩，「無輸身家，但輸幾萬幾萬咁，無錢都唔驚㗎，現場有人放數，無錢D人咪去借」。她更指「玩家」有幾個後生仔，另外約30多歲的男人就負責把守和買飯盒給「玩家」，自己的姐妹更曾一晚輸十萬，相當誇張。

網民：經法庭判罪即會收回所住屋邨單位

網民指，要他們害怕必要嚴懲，指「若在屋邨範圍內聚賭，經法庭判罪後，即會收回所住屋邨單位」、「搵啲反黑日日搞佢哋，捉到佢哋，叫房署將捉到嘅人即時無屋住，啲人正常就會怕」、「呢班大叔多數係學佬人，唔係客家人，係海陸豐人，呢啲人唔會同人講道理」、「有心捉就便衣警察或者放蛇」。